Xatto milliarderlarga ham orzu boʻlgan hashamatli avtomobillar

Qiymati 2.2 million AQSH dollariga teng Lamborghini Sesto Elemento atigi 20 nusxada ishlab chiqarilgan. Shunisi qiziqki, ular koʻchalarda harakatlanish uchun ishlab chiqarilmaydi. Sababi ushbu mashinada xavfsizlik yostiqchalari ham, xavfsizlikni taʼminlash uchun boshqa biror dastgoh ham yoʻq.

Oʻzining 800 ot kuchiga ega boʻlgan V12 dvigateli tufayli Aston Martin Vulcan avtomobilining qiymati 2.3 million AQSH dollariga etdi. Bu “gʻildirakdagi raketa”ni boshqarish uchun odamlar atayin uzoq muddatli tayyorgarlikdan oʻtganlar.

McLaren BP23 qiymati 2.5 million AQSH dollarini tashkil etadi va maʼlum boʻlishicha, avtomobil bunga arziydi. Rejalashtirilgan barcha modellar konveyerdan chiqishdan ham oldinroq sotilib boʻlgan.

Italiyalik ishlab chiqaruvchining taʼkidlashicha, Ferrari F60 turgan joyidan soatiga 100 km tezlikka 3.1 soniyada erisha oladi. Badavlat haridorlar bu modelni oʻz orzularining choʻqqisi deb hisobladilar va ishlab chiqarilgan 10 nafar avtomobilni darrov, har birini 2,5 million AQSH dollariga teng narxda sotib oldilar.

Pagani Huayra BC 1 218 kilogramm ogʻirlikka ega (taxminan mashhur “Lada Kalina” kabi). Ammo, shu bilan birga uning kapoti ostida 6.0 litrli V-12 turidagi xaqiqiy gigant oʻrnatilgan. Mashina atigi 20 nusxada ishlab chiqarilgan va ularning hammasi 2,6 million AQSH dollariga teng narxlarda sotib olingan.

LaFerrari FXX K oʻzining 6,3 litrli V12 turidagi, 1035 ot kuchiga ega dvigateli va atigi 32 nusxani tashkil etadigan adadi tufayli uning qiymati 2.7 million AQSH dollariga teng. Biroq bu mashina yoʻlda yoki istalgan poygada qatnasha olmaydi.

Chiron — mashxur Veyron modelining vorisi. Qiymati 3 million AQSH dollariga teng bu mashina 8.0 litrli 16 silindrli, quvvati 1500 ot kuchiga ega dvigateli tufayli soatiga 420 kilometr tezlikka erishishi mumkin.

Ferrari Pininfarina Sergio — oʻta kamyob model va dunyoda bu mashinaning atigi oltita nusxasi mavjud. Bu esa ushbu avtomobilning 3 million AQSH dollariga teng deb baholanishining koʻp sonli sabablaridan biri boʻlsa ajab emas.

Aston Martin Valkyrie avtomobilida 6.5 litrli V12 turidagi dvigatel elektr transmissiya bilan birgalikda ishlab, 1000 ot kuchidan ziyod umumiy quvvatni taʼminlab beradi. Ilmiy-fantastik film namunasi kabi taassurot uygʻotadigan bu avtomobilning narxi 3,2 AQSH dollariga teng.

2013 yilda Qatarda boʻlib oʻtgan Motor-shouda taqdim etilgan W Motors Lykan Hypersport “Ilk arab giperkari” deya atalgan. Bayon qilingan tezlik soatiga 394 kilometrni тashkil etadi, soatiga 100 kilometr tezlikka esa 2.8 soniya ichida erisha oladi.

Bugatti Veyron Limited Edition mashxur Mansory Vivere atelyesi tomonidan ishlab chiqarilgan va shuning uchun ham uning narxi osmonlarga chiqib ketgan. 8.0 litrli W16 dvigatelli, quuvati 1200 ot kuchiga ega bu avtomobilning narxi 3.4 million AQSH dollariga teng.

Bu trek avtosiga Niderlandiyadagi oddiy avtomobil yoʻllarida harakatlanish uchun ruxsat berilgan. McLaren P1 GTR –bu dahshatli tezlikka ega moʻjizaning oʻzginasi. U shunday koʻrinishga egaki, goʻyo unda faqat Betmen yura oladiganday. Mashining yakkayu yagona nusxasi 4.3 million AQSH dollariga sotilgan.

Dizayni aerodinamika va xavfsizlikka moʻljallangan Lamborghini Veneno rodsteri (yaʼni, avtomobil yoʻllari yulduzi)ning narxi 4,5 million AQSH dollaridan boshlanadi. Soatiga 355 kilometr maksimal tezlikka ega bu avtomobil oddiy avtomobil yoʻllarida harakatlanishiga ruxsat berilgan.

Maʼlum qilishlaricha, Floyd Meyvezer Koenigsegg CCXR Trevitaavtomobilini oʻz kollektsiyasiga tasavvurga sigʻmaydigan narxda - 4.8 million AQSH dollariga sotib olgan emish. Bu model jami 2 dona nusxada ishlab chiqarilgan.

Birdman taxallusi bilan tanilgan reper Brayan Uilyams Mercedes-Benz Maybach Exelero uchun 8 million AQSH dollarini sovurib yubordi. Bu shunga arziymimi, yoʻqmi, biror kimsa dadil aytishi qiyin. Ammo, bu avtoda ikkita turbonadduvli V12 dvigateliga ega va Maybachni soatiga 350 kilometr tezlikkacha olib chiqishi, shuningdek soatiga 100 kilometr tezlikka 4,4 soniyada erishishi mumkin.