Pxenyan shahri – taqiqlar poytaxti

Shimoliy Koreya odamlariga koʻk rangli jinsi kiyish mumkin emas. Agar aynan shu turdagi matodan libos kiygingiz kelsa, faqatgina qora ranglisini tanlash kerak boʻladi. Shimoliy Koreya hukumatining fikriga koʻra, koʻk rangli jinsi xalqaro imperializm timsoli emish.

Ammo, ushbu qoida sayyohlarga tegishli emas. Ular shahar boʻylab koʻk rangli jinsida bemalol sayr qilishlari mumkin. Faqatgina, Kim Ir Sen hamda Kim Chen Ir yodgorliklariga kirish avvalida ushbu libosni oʻzgartirib olish talab etiladi. 

Shimoliy Koreya odamlari internetdan foydalanish huquqiga ega emas. Ularning "Kvanmen" deya ataluvchi ichki tarmoqlari mavjud boʻlib, mazkur tarmoqqa minglab saytlar joylashtirilgan. Xalqaro oʻrgimchak toʻriga esa faqatgina yuqori lavozimli amaldorlar ulana olishadi. Ha, aytganday, Shimoliy Koreyada Wi-Fi degan tushunchaning oʻzi yoʻq.

Agar Shimoliy Koreyaga sayohat qilish niyatingiz boʻlsa, bu yerda sayyohlarga "Shimoliy Koreya voni" deya ataluvchi milliy valyutani ishlatish uchun ruxsat bermasliklari haqida bilib qoʻying. Sayyohlar mamlakat hududida dollar yoki yevro evazigaharid qilsalar boʻladi.

Xorijlik turistlar uchun mamlakatda alohida doʻkonlar ochibqoʻyilgan. Oʻlkaga kelgan sayyohlar koreyslarning oʻzlari harid qiladigan doʻkonlariga kiritilmaydi. 

Koreyaliklarning mobil telefonlari faqatgina davlat ichidagi aloqalar uchun ishlaydi. Bu yerdagi hech bir odamdan xorijga telefon qilish imkoniyatini beradigan sim-karta topa olmaysiz. Eng qizigʻi, mahalliy odamlar Shimoliy Koreyada boʻlib turgan xorijlik sayyohga ham qoʻngʻiroq qila olishmaydi.

Avvallari"Koka-kola" ichimligini oʻz hududiga olib kirishni taqiqlagan mamlakatlar ikkita - Shimoliy Koreya hamda Kuba boʻlgan. Ayni vaqtda Kubada mazkur ichimlikni topish imkoni bor, ammo Shimoliy Koreya hududida "Koka-kola" mutlaqo sotilmaydi. 

Shimoliy Koreyaliklar uchun mamlakat chegarasidan tashqariga chiqish - yetib boʻlmas orzu! Bu yerda gap ularning iqtisodiy imkoniyatlarida emas. Shunchaki, mamlakat hukumati fuqarolarga oʻlkadan tashqariga chiqishni taqiqlab qoʻygan. Hattoki mamlakat ichida harakatlanish uchun ham ularga rahbariyat tomonidan ruxsat berilishi talab etiladi.