Instagram ijtimoiy tarmogʻidagi eng mashhur oʻzbek aktyor va honandalari

Qoyilmaqom roʻllari bilan barchaning qalbidan birdek joy egallagan, bugungi kunning eng nufuzli aktyorlaridan biriga aylanib ulgurgan Alisher Uzoqov oʻzining Instagram sahifasida koʻp sonli muhlislarni jamlay olgan desak mubolagʻa boʻlmaydi.

Eng talabgir aktyorlar qatoridan oʻrin olgan yana bir iqtidorli aktyor Adiz Radjabov oʻzining Instagram sahifasida 1,3 million kuzatuvchini jamlagan.

Klipdagi kichik roʻllari orqali mashxurlikka erishgan Yigitali Mamadjonov ham bugungi kunning eng talabgir aktyorlaridan biridir. Shaxsiy hayoti va ijodiga oid yangiliklarning ijtimoiy tarmoqdagi sahifasi orqali muhlislari bilan boʻlishuvchi yorqin yulduzning kuzatuvchilari soni 1 millionni tashkil etadi.

Taronalari bilan barchaning qalbini zabt etgan Oʻzbekistonning eng mashxur qoʻshiqchilaridan biri Shoxruhhon oʻzining kuzatuvchilari sonini 2,4 millionga yetkaza olgan desak adashmagan boʻlamiz.

“Qirmizi olma”, “Layloyimsan” kabi mashxurllikka erishgan yana bir qancha taronalarning muallifi Ulugʻbek Raxmatullaev Instagram sahifasida 2,4 million kuzatuvchiga ega.

“Bojalar” guruhi aʼzosi Jahongir Poziljonov ham oʻzining kayfiyat bagʻishlovchi shoʻx taronalari bilan koʻp sonli muhlislarga ega. Uning ijtimoiy tarmoqdagi kuzatuvchilari esa 2,8 millionni tashkil etadi.

Suhandon va “Million” guruhining aʼzosi Davron Kabulov Instagramda 2,3 million kuzatuvchiga ega.

Juda koʻplab taronalari ketma-ket hit darajasiga chiqayotgan qoʻshiqchi Jahongir Otajonov oʻz sahifasida 1,5 ta kuzatuvchini jamlagan.

Rep yoʻnalishi boʻyicha ijodini boshlagan, yoshlarning eng sevimli qoʻshiqchisiga aylangan rep ijrochisi Shoxrux bugungi kunda ham barchaning diqqat markazida. Uning kuzatuvchilari soni esa naqd 1,1 millionni tashkil etadi.