2019: Yangi yil dasturxoni qanday bo‘lishi kerak?
Bilasizki, kutilayotgan 2019 yilning timsoli Oltin to‘ng‘iz hisoblanadi. Uni kutib olish borasida esa har bir inson o‘z istaklari, didi va fantaziyasidan kelib chiqib ish ko‘radi. Pazanda xonimlar dasturxon uchun eng ajoyib taomlarni tayyorlab ko‘rishadi.

Ammo Oltin to‘ng‘iz yili bayrami dasturxonida biz uchun odatiy bo‘lgan barcha taomlarni ham birday iste’mol qilish mumkin emas, deydi munajjimlar. Shu sababli ham astrologiya sohasi mutaxassislari fikriga tayangan holatda yangi yil dasturxonini tuzash payti sizga qo‘l keladigan bir necha tavsiyalarni berib o‘tamiz. 

Bayram dasturxoni imkon qadar to‘kin va turli-tuman bo‘lishi lozim. Go‘shtli taomlardan pishirilgan quyon yoki olma bilan birga dimlangan parranda go‘shtini tayyorlab ko‘rishingiz mumkin. 

Salatlar borasida esa fantaziyaga erk bering. Yangi yil dasturxoni uchun an’anaviy hisoblangan "Shuba ostidagi seld", "Olive"salatlarini ham nooatiy ko‘rinishda bezatishingiz mumkin. Bundan tashqari dastuxonga yangi sabzavotlar va pishloqning mayin ta’mli turlaridan ham keltirib qo‘ysangiz bo‘ladi. 

Go‘shtli gazak sizga yoqqan tur va ko‘rinishda bo‘lishi mumkin. Shu sababli uni tayyorlash paytida ham fantaziyani ishga solasiz.

Desert tayyorlash paytida esa asal, reza mevalar hamda yong‘oqlardan foydalanish tavsiya etilmoqda.

Yangi yil stolida tillarang va sariq tusdagi yeguliklar aniq ko‘rinib turishi kerak. Shu sababli taomlarni qirg‘ichlangan pishloq yoki tuxum sarig‘i bilan birgalikda tayyorlashga harakat qiling. Bezak sifatida esa apelsin va limon bo‘laklaridan foydalansangiz ham bo‘ladi. Bundan tashqari taomlar orasiga turli ko‘katlar, sabzavotli yeguliklar va piroglardan ilova qilish ham yodingizdan chiqmasin. 

Tavsiya etilmaydi:

Munajjimlar yangi yil dasturxoni uchun imkon qadar yangi va tabiiy mahsulotlardan foydalanishni tavsiya etmoqdalar. Shu sababli bayram taomnomasida yarimfabrikat mahsulotlari bo‘lmagani ma’qul.

Bayramni ajoyib shirinliklarsiz tasavvur qilib bo‘lar ekanmi? Bayram oqshomi uchun tashqi ko‘rinish jihatidan o‘ziga hos bo‘lgan shirinliklar tayyorlashga harakat qiling. Kerakli yeguliklarni esa avvaldan olib qo‘yishingiz ham mumkin.

 

Maqolani baxolash?

Facebook Conversations