Tez vazn tashlashga imkon beruvchi Zumba haqida ma’lumotlar
Tez vazn tashlashga imkon beruvchi Zumba haqida ma’lumotlar
Tan olish kerakki fitness mashg’ulotlari ham, trenajor mashqlari ham bizni juda toliqtiradi. Vaziyat shunchalar og’ir holatga yetib keladiki, barchasiga qo’l siltashni istaysiz. Ammo sport mashg’ulotlarini qiziqarli yumishga aylantirish ham imkonsiz ish emas. Buning ajoyib chorasi – Zumba sanaladi!

Zumbaning payda bo’lganiga deyarli hech qancha bo’lgani yo’q, lekin u darxol dunyo bo’ylab, barcha qit’a va mamlakatlarda juda keng yoyildi. Bu an’anaviy  fitnesning o’rniga qo’llash mumkin bo’lgan tetik va shiddatli yo’nalishdir.

Zumba o’zida samba, salsa, bachata, kizomba, reggeton, flamenko, xip-xop va yana ko’p boshqa raqslardagi an’anaviy qadamlar bilan birga fitness hamda aerobika elementlarini birlashtiruvchi shiddatli mashg’ulotlar tizimini aks ettiradi. Oddiy mashg’ulotlar taxminan bir soat davom etadi, raqsning o’zi esa instruktor rahbarligida non-stop tarzida bajariladi. Zumba darslari o’zida salomatlik uchun juda katta jismoniy hamda ruhiy foyda zahiralarini ochib beradi.

Mashg’ulotlar bo’ksa, son, qorin kabi tananing o’ta muammoli qismlariga sezilarli darajada ijobiy ta’sir o’tkazadi. Bu dastur inson o’zini sarvqomat ko’rinishga keltirish, ortiqcha vaznni yo’qotish bilan birga qaytadan ortiqcha semirib ketishning oldini oladi.

Bundan tashqari, zumba  barcha mushaklar guruhlarini ishga soladigan a’lo darajadagi sport mashg’ulotidir. Mashg’ulotlar olib borilayotgan paytdagi tez va shiddatli mashqlar mushaklardagi turg’unlik holatining oldini olib, qomatni rostlaydi, chiroyli va chaqqon qadam tashlashni shakllantirishga yordam beradi. Doimiy ravishdagi mashg’ulotlar badanni tetik holatda tutish, mushaklarni mustaxkamlash imkonini yaratadi.

Shiddatli mashg’ulotlarga jiddiy yondashish insonning barcha organlari, shu jumladan, yurak qon-tomir va nafas olish tizimi uchun mislsiz darajada foydalidir. Mashqlar qon aylanishini sezilarli darajada kuchaytiradi, bu esa, o’z navbatida, butun organizmning faoliyatiga ijobiy ta’sir ko’rsatmay qolmaydi.

Ваша реакция?

Сообщения из Facebook