Yozgi ta’tilda qayerga borgan ma’qul? Xorijda dam olish uchun 20 ta ajoyib mamlakat!
Yoz fasli hamisha intiqlik bilan kutiladi. Bolalarda yozgi kanikul boshlanadi, kattalar esa ishdan ta’tilga chiqadilar. G’animat yoz faslini foyda bilan o’tkazish va imkon qadar sayohatga chiqish zarur. Serquyosh O’zbekistonimizning sayohat qiladigan joylari va dam olish maskanlari serob. Biroq ba’zi odamlar yozgi ta’til vaqtida chet elga sayohat qilishni, dengiz bo’yida hordiq chiqarishni xohlaydilar.

Shundan kelib chiqib, ushbu maqolamizda yozda qaysi mamlakatlarda dam olish mumkin-u, qaysilariga borish tavsiya etilmaydi, shular haqida gap boradi. Nima bo’lganda ham dunyodagi nostabil holat va tabiatning injiqliklarini hisobga olish zarur!

Chet el sayohatiga otlanar ekanmiz “yuqori mavsum” va “past mavsum” haqida tushunchaga ega bo’lishimiz zarur. Biz ayni mavsum payti yaxshimi yoki mavsum bo’lmagan payt afzalroqmi? Keling, avvalam bor shularga oydinlik kiritib olaylik.

Aslini olganda bu tushunchalar shartli hisoblanadi va sharoitga qarab baholanadi. Bu iboralar bizga turoperatorlar, mehmonxona va aviakompaniyalarning professional muhitidan kirib kelgan. “Yuqori mavsum” yoki “past mavsum” iboralari yilning u yoki bu mavsimida sayohatchilarning sayohatiga emas, turop-eratorlarning daromadiga nisbatan ishlatiladi.

*”Yuqori mavsum” – mamlakatning qaysidir hududi yoki xorijiy davlatlatga sayohat qilishga bo’lgan talabning kuchayishi. Bu ko’rsatgich avvalam bor u yerdagi yaxshi iqlim sharoiti, ikkinchidan esa kanikul va ta’tilning boshlanishi bilan bog’liq. Afzalliklari – a’lo darajadagi ob-havo, iliq suvli dengizda cho’milish, diqqatga sazovor joylarni tomosha qilish imkoniyatlari, hech qanday yomg’ir yoki bo’ron hordiqning beliga tepmaydi. Kamchiliklari – bu mavsumda dam oluvchilar soni ko’p bo’ladi, shu sababli mehmonxona, yo’lkira va sayohatning boshqa harajatlari bir muncha qimmatlashadi.

*”Past mavsum”da aksincha talab ancha kamroq bo’ladi. Sayohatchilarning ko’pchiligi bu paytda o’qish va ishda bo’ladi, ob-havo sharoiti ham noqulay bo’ladi. Ammo mavsum bo’lmagan paytda narx-navo pasayadi, sayohatchilarning soni ham kamroq bo’lgani uchun tinchgina va arzonroq dam olish mumkin. Agar biz sayohatga otlanayotgan mamlakatda yomg’ir mavsumi bo’lsa, borganimizda u yerda quyoshli kun bilan birga yomg’ir yog’ishi, ba’zan esa jala ham quyishi mumkunligi va bniz mehmonxonadan tashqariga chiqmasdan o’tirishimiz mumkinligini ham hisobga olishimiz zarur.

Yoz faslida sayohat qilish tavsiya etiladigan mamlakatlar 1.Bolgariya

Yoz faslida sayohat qilish tavsiya etiladigan mamlakatlar 1.Bolgariya

Bolgariyada dam olish sayohatchilar ichida juda mashhur. Birinchidan, bu qimmatga tushmaydi, ikkinchidan bugungi kunda bu mamlakatning kurort va mehmonxonalari talabga javob beradi.

Yoz mavsumida Bolgariyada ob-havo quyoshli, ayniqsa Qora dengiz bo’yi va mamlakatning janubiy qismida. Bu vaqtda bu yerda katta to’lqinlar bo’lmaydi, dengiz tinch va iliq bo’ladi. Iyun oyi bir muncha salqin bo’lishiga qaramasdan – sayohat uchun eng yoqimli davrdir. Bolgariyaning Solnechniy Bereg, Zolotiye Peski va boshqa shu kabi kurortlarida dam oilish uchun eng qulay davr iyulning o’rtasidan boshlanib, avgust oyining oxirigacha davom etadi. Bu paytda barcha mehmonxona va sohilbo’yi plyajlari turistlar bilan 100% to’lib ketadi. 

Mashhur kurortlari: Albena, Zolotiye peski, Solnechniy bereg, Avliyo Konstantin va Yelena

2.Gretsiya

2.Gretsiya

Yunonistonda dam olish – bu manzarali shaffof suvli dengiz, antic davr zamonidan bizgacha yetib kelgan qadimgi ibodatxona va haykallardir. Bu mamlakatda dam olish uchun eng qulay davr – iyun oyidir. Narx-navolar oshib ulgurmagan, dengiz esa isib, qulay ob-havo sharoiti turgan bo’ladi. Iyul oyida bu yer juda juda qizib ketadi, hattoki dengiz ham yordam bermaydi, biroq shunga qaramasdan narx-navolar ancha ko’tariladi. Mavsumning eng qizg’in pallasi avgust oyiga to’g’ri keladi. Bu paytga kelib jazirama issiq bir muncha chekingandek bo’ladi, ammo narxlar yuqoriligacha qolaveradi.

Mashhur kurortlari: Rodos oroli, Korfu oroli, Krit oroli, Kefaloniya oroli, Xalkidiki, Afina, Lutraki, Soloniki va boshqalar.

3.Gruziya

3.Gruziya

Gruziya yumshoq iqlimi, toza havosi, ko’pgina issiq buloqlari, davolovchi balchiq konlari, Kavkaz tog’lari, shuningdek Qora dengiz sohilbo’yi plyajlari bilan mashhur. Bu yerga hordiq chiqarish uchun kelgan sayyohlar vaqtlarini dengiz bo’yida o’tkazganlari afzal, chunki mamlakatning markaziy qismi yoz mavsumida juda qizib ketadi.

Mashhur kurortlari: Batumi, Zelyoniy mis, Kabuleti, Chakvi, Gonio va boshqalar.

4.Misr

4.Misr

Qadimiy ehromlar hamda unutyilmas Qizil dengiz mamlakati

Yozda Misrda zajirama issiq havo hukmronlik qiladi. Dengiz bo’yida bi issiqlik uncha bilinmaydi, ammo mamlakatning poytaxti bo’lmish Qohira shahri va sahroga borish qat’iyan man qilinadi! Bu yerda havo harorati 40°C dan oshadi. Bu paytda Luqsor yoki Asuanga borish haqiqiy mashaqqatga aylanadi. Ehromlar va boshqa diqqatga sazovor joylarni tomosha qilish uchun yoz mavsumi juda issiqlik qiladi!

Xurgada va Al G’ino kurortlari yoz faslida dam olish juda maroqli, yengilgina shabada esib turgani uchun issiq ham unchalik bilinmaydi (+32). Sharma  al Shayhda esa qilt etgan shabadayam bo’lmaydi, shuning uchun u yer biroz issiqroq (+40).

Mashhur kurortlar: Xurgada, Sharm al Shayh, Sfaga, Al G’ino, Dahab.

5.Ispaniya

5.Ispaniya

Ispaniya – flamenco raqsi, korrida va ajoyib sohilbo’yi plyajlari bilan mashhur bo’lgan mamlakatdir. Yoz fasli – Barselona yaqinidagi qirg’oqbo’yi yoki orollarda hordiq chiqarish uchun ajoyib davrdir. Cho’milish mavsumi bu yerda iyun oyida boshlanadi, iyul, avgust oylari esa mavsumning ayni avjiga chiqqan pallasi hisoblanadi. Yoz faslida havo harorati yuqori bo’lishiga qaramasdan dunyoning turli burchagidan sayyohlar oqimi bu yerga oqib keladi. Iyul oyida ko’pgina bayram va festivallar o’tkaziladi.

Avgust oyida Ispaniyaga bormagan ma’qul. Chunki bu oyda havo harorati juda isib ketadi hamda yomg’irlar tez-tez yog’adi. Buning ustiga mamlakatda ta’til mavsumi boshlanadi va mahalliy aholi sohilbo’yiga dam olishga oshiqadi. Bunday paytda esa plyajlar tiqilinch bo’lib ketadi!

Mashur kurortlari:                                                                                                                                    O’rta yer dengizi – Ibitsa oroli, Menorka oroli, Mayorka oroli.

Atlantika okeani – Kanar orollari.

Kontinental Ispaniya – Kosta Brava, Kosta Dorada, Kosta del Sol, San Sebastyan va boshqalar.

6.Italiya

6.Italiya

Italiya – bu nafaqat lazzatli pitsa va plyajlari, balki ko’p asrli tarixga ega madaniyat va qadimiy arxitektura obidalari bilan dong taratgan mamlakatdir. Butun Yevropa sivilizatsiyasiga aynan shu yerda asos solingan! Bugungi kunda ushbu ajoyib mamlakatning Venetsiya, Rim, Florentsiya, Liguriya kabi mintaqalari butun dunyodan sayohatchilarni o’ziga jalb etib, chorlab turibdi. Yoz fasli dengiz bo’yida hordiq chiqarish uchun ajoyib davr hisoblanadi, shahar ichida ekskursiya qilish uchun esa issiqlik qiladi. Iyun oyi plyajda dam olish uchun eng qulay vaqtdir. Suv ham, havo ham anchagina isib olgan bo’ladi, sayyohlar oqimi esa hali yetib kelmagan bo’ladi. Iyul oyida jazirama issiq, havo esa dim bo’ladi, narx-navolar ham ancha qimmatlashgan bo’ladi. Birgina Milanda chegirmalar mavsumi boshlangan bo’ladi.

Avgust oyida Italiyaga sayohat qilish tavsiya etilmayDI. Chunki italiyaliklarda ham ta’til mavsumi boshlanib, bu vaqtni ular ham dengiz bo’yidagi plyajlarda o’tkazadilar, shuning uchun plyajlarda odam juda gavjum bo’ladi.

Mashhur kurortlari:Amalfi, Rimini, Kapri oroli, Sorrento, Liguriya, Latsio, Sardiniya oroli, Sitsiliya va boshqalar.

7. Indoneziya

7. Indoneziya

 Indineziya – qarama-qarshiliklar, vulqonlar va minglab mayda orollar mamlakati! Bu yerning iqlimi issiq, tropic. Yoz fasli kelishi bilanoq haqiqiy dam olish mavsumi boshlanadi. Quyoshli havo hukmronlik qiladi, havo quru q, biroq juda ham qizdirib yubormaydi. Yoz fasli vulqonlarni tomosha qilish uchun ajoyib palladir. Yozda yomg’irlar deyarli bo’lmaydi, iyul-avgust oylari esa Avstraliyada ta’til mavsumi bo’lgani uchun turistlar bilan to’lib ketadi. Bu davrda yo’llanmalarning bahosi oshib ketadi. Balidagi mehmonxonalarni ham oldindan bron qilib qo’yish kerak.

Mashur kurortlar: Bali, Lombok, Gili oroli, Nusa, Lembongan, Mentavay orollari, Flores oroli, Sumatra oroli, Borneo oroli va boshqalar.

8. Kipr

8. Kipr

Bu orol uchta kontinentda joylasjgan bo’lib, turistlarning sevimli joyi hisoblanadi. Yozda bu yer juda issiq, biroq past darajadagi namlik sababli odamlar uni yengil ko’tara oladilar. Dam olish uchun eng qulay davr – iyun oyidir. Iyul oyi esa eng issiq palla bo’lishiga qaramasdan mavsumning eng cho’qqiga chiqqan paytidir. Bu davrda ekskurisiyaga qilish sal qiyinrogu, ammo tog’larga chiqish uchunh ajoyib palladir. Avgust oyida issiqlik bir muncha pasayishni boshlaydi, dam oilsh uchun shu vaqt anchayin qulayroqdir.

Mashhur kurortlar – Aya-Napa, Protaras, Pafos, Larnaka, Limmasol

9. Qrim va Krasnodar o’lkasi

9. Qrim va Krasnodar o’lkasi

Sochi, Anapa, Yalta, Sevastopol – bu nomlar bizga yoshligimizdan beri juda tanish!

VBiroq bu yerda dam olishning bir necha kamchiliklari bor! Birinchidan, Rossiyada bahor ham qishdek o’tishi mumkin, shuning uchun yoz fasli qanday kelishi noma’lum. Ikkinchidan, servis (sayyohlarga xizmat ko’rsatish) darajasi past bo’lishiga qaramasdan, narxlar ancha qimmat!. 

Iyun oyida suv hali ilib ulgurmagan, odamlar ham ko’p bo’lmaydi, narx-navo ham ko’tarilmagan bo’ladi. Iyul oyida esa yuqori mavsum boshlanadi. Sayyohlar soni bilan birga narx-navo ham oshib boraveradi. Mavsumninbg eng avj pallasi avgust oyiga to’g’ri keladi, bu davrga kelib narx-navo eng yuqori cho’qqiga yetib boradi, plyajlarda esa oyoq qo’yishga joy topilmaydi.

Mashhur kurortlar: Anapa, Sochi, Adler, Kerch, Feodosiya, Sudak, Alushta, Yalta, Sevastopol, Yevpatoriya va boshqalar.

10.Keniya va Tanzaniya

10.Keniya va Tanzaniya

May-iyun oylarida Keniya va Tanzaniyada yomg’irlar mavsumi tugaydi. Yoz faslining bitinchi oyining oxiriga kelib Hind okeanining sohil bo’yida plyaj mavsumi boshlanadi. Iyul va avgust oylari bu mamlakatlarda dam olish uchun eng qulay davrdir. 

Iyul oyidan boshlab hayvonlarning migratsiyasi boshlanadi, bu narsa safariga qiziqishning ortishiga sabab bo’ladi (eng avvalam bor Masai-Mara, Serengeti, Ngorongooro parklarida). Zanzibar oroli va Mombasa kurortida esa butun yoz bo’yi hordiq chiqarish mumkin. 

Mashhur kurortlar: Keniyada – Mombasa, Tanzaniyada – Zanzibar kurortlari.

11.Malta

11.Malta

Maltada yil bo’yi iliq havo hukmronlik qiladi, biroq turistlarning soni aynan yoz oylarida avjiga chiqadi. Bu yerning iqlimi O’rta Yer dengiziniki, shuning uchun yoz fasli juda issiq keladi. Iyun oyining o’zidayoq havo yaxshigina qizigan bo’ladi, sayyohlar bu yerga bajonu dil tashrif buyuradilar, plyajlarda ko’p odam to’planadi, narxlar ham shunga qarab qimmatlashadi. Dam olish mavsumi iyul oyida avji nuqtasiga yetadi, avgust oyiga kelib esa havo harorati +40 darajaga yetadi.

Mashhur kurortlar:Valetta, Mellixa, Slima, Sent-Julians, Golden Bey va boshqalar.

12.Marokash

12.Marokash

Bu mamlakat Afrikaning shimoli-g’arbiy qismida, Atlantika okeanining qirg’oq bo’yida joylashgan.

Yoz faslida ocean yaqinidan ketmaslik tavsiya etiladi, chunki mamlakatning boshqa hududlari haddan tashqari issiq bo’ladi. Marokashda hordiq chiqarishni istagan sayyohlar avgust oyini tanlaydilar, aynan shu paytda sovuq Atlantika okeanining suvi hihoyat iliydi.

Mashhur yo’nalishlar: Agadir, Marokkash, As-Suvayra, Kasablanka, Fes, Tanjer va boshqalar.

13.Malaziya

13.Malaziya

Malaziya davlatida joylashgan mashhur Petronas minoralariyu, Langkavidagi Osmon ko’prigini, sirli Perxetianlaru, Borneo orollarini kim ham ko’rishni istamaydi deysiz?

Malaziyada yil bo’yi issiq bo’lib, quyosh charaqlab turadi. Shuning uchun bu yerning ob-havosi mavsumlarga bo’linmaydi, qishin yozin bir xil qulaylikda dam olish mumkin. Birgina salbiy tomoni yuqori darajadagi namlik bo’lishi mumkin.

Malaziyaga yozda dam olishni xohlaganlarga Janubi-Xitoy dengizidagi orollarga (Tioman, Borneo, Pedang, Perxetiana) borish tavsiya etiladi. Yoz fasli bu yerdagi plyajda hordiq chiqarish va dayving bilan shug’ullanish uchun ajoyib davrdir. Ayniqsa Redang va Perxentiana orollari. Qishki mavsumda bu orollar turistlar uchun yopiladi, ammo suv osti olamining tabiati va boyliklari bu yerga kelib, ularni ko’rishga arziydi.

Hind okeanidagi Penang va Langkavi orollariga esa yozda boorish tavsiya etilmaydi. Chunki bu davrda bu yerda yog’ingarchiliklar ko’p bo’ladi. Ammo eng katta xavfni yozda meduzalar keltirib chiqaradi.

Mashhur yo’nalishlar: Tioman, Borneo oroli, Perxetian oroli, Redang.

14.AQSH

14.AQSH

AQSH katta mamlakat, bu yerga tashrif buyurgan har bir sayyoh o’ziga nimanidir tanlaydi: ulkan megapolislar va milliy bog’lar, qoyilmaqom Florida hamda unutilmas Gavayi orollari, hamisha sergavjum Las Vegas va jozibador Los Anjeles.

AQSH da yozni ocean bo’yida o’tgazgan afzal, Tinch okeanmi, Atlantika okeanimi, farqi yo’q. Unisi ham, bunisi ham dam olish uchun juda ajoyib joylardir! Kaliforniya, Florida va Gavayi esa ushbu mamlakatdagi dam olish uchun eng qulay maskandir!

Mashhur kurortlar: Gavayi orollari, Kaliforniya (Malibu, Santa Monika, San Diyego), Florida (Mayami, Ki Vest, Fort Loderdeyl) va boshqalar.

15.Singapur

15.Singapur

XXII asrning eng ajoyib shahar mamlakati! Mashhur o’yin-kulgu va sayr-tomosha oroli – Sentoza oroli hamda Singapurning boshqa plyajlari aynan ana shu yerda joylashgan. Singapurning iqlimi qo’shni Malaziya hamda Indoneziya mamlakatlarinikiga o’xshaydi. Yil bo’yi havo harorati bitta ko’rsatkichda turadi. Ammo yozda havo baribir issiq bo’ladi! Bunday paytda bu yerda faqatgina zajirama issiqdan qo’rqmaydigan sayyohlargina dam olishlari mumkin. Iyun oyi eng issiq oy hisoblanadi, iyul oyida esa tinmay tropic yomg’ir yog’adi. Agar sizni yurak va qon-tomir kasalliklari bezovta qilmasa, yozda bemalol Gingapurga otlanishingiz mumkin.

16.Tunis

16.Tunis

Tunis mamlakati arab koloriti bilan Yevropa servisi uyg’unlashgan diyordir. Bu yerda siz Sahroi Kabirning oltin qumlari bilan birgalikda O’rta Yer dengizining moviy suvlarini ko’rishingiz mumkin. Yozda bu yer juda issiq va quruq. Bu issiqni faqatgina sohil bo’yida ko’tarish mumkin, sahroga esa oyoq ham bosib bo’lmaydi – u yerda chidab bo’lmaydigan jazirama. Dam olish uchun eng qulay oy iyun oyidir. Iyul oyida esa havo harorati +35 darajadan oshib ketishiga qaramasdan Tunisning barcha plyajlari sayyohlar bilan to’lib ketadi va tabiiyki narx-navo ham ko’tariladi. Ammo eng issiq oy bu avgustdir, havo harorati +50 dan ham oshib ketadi. Yana bir yomon tomoni bu davrda Tunis qirg’oqlartiga meduzalar suzib kelishidir. Meduzalar tishlab olishi mumkin, bu og’riq beradi, ammo hayot uchun xavfli emas. Meduza tishlarining izi bir oydan keyingina so’rilib ketadi. Yaxshiyamki, O’rta Yer dengizining bu jonivorlari har yili yoki har kuni odamlarga hujum qilmaydi, bunday hodisalar kamdan-kam hollarda sodir bo’ladi.

Mashhur kurortlar: Hammamet, Monastir, Suss, Jabra oroli, Mahdiya.

17.Turkiya

17.Turkiya

Sayohat uchun eng ommabop mamlakatlardan biridir. Kurortlar bu yerda juda ko’p, narxlar esa hamyonbop. Turkiyada ham yoz oyio kurort mavsumi hisoblanadi. Iyun oyi havo ancha qulay bo’ladi, narx-navo ham hali ko’tarilmagan bo’ladi. Iyul, avgust oylariga kelib kunlar qizib ketadi, havo harorati +40 darajagacha ko’tarilishi mumkin. Biroq shunga qaramasdan bu davrda ba’zi kurortlarning narxi yuqoriligacha qolaveradi.

Turkiya sivilizatsiyalashgan mamlakat bo’lgani bilan, Ramazon oyi ro’zasidan keyin bu yerda sayohat qilish huddi BAA, Misr, Marokash, Tunis va Iordaniyadagi kabi o’tadi. Ramazon oyida ko’pgina muassasalari, kafe va transportlar to’liq bo’lmagan ish kunida ishlaydilar. Ramazon oyi tugashi bilanoq hamma dinidan qat’iy nazar dam olishga oshiqadilar. Bu paytd mehmonxonalarning narxi oshib ketadi, aviachiptalar ancha oldin sotib bo’linadi, plyajlar esa odamlar bilan to’lib-toshib ketadi.

Mashhur kurortlar: Alaniya, Antaliya, Kamar, Balak, Marmaris, Bodrum va boshqalar.

18.Frantsiya

18.Frantsiya

Frantsiya – bu muhabbat shahri bo’lmish Parij, mashhur Moviy qirg’oq, degani, chiroyli manzara va romantika mamlakatidir! Frantsiyada yozda havo iliq va juda qulay. Bu paytda fransuz Rivyerasi yoki Atlantika sohil bo’yida dam olish uchun boorish kerak. Parijda havo juda qulay bo’ladi, Disneylend esa 22.00 gacha ishlaydi. 

Frantsiyada yozda dam olish juda ommalashgan, narx-navolar ham iyun oyidan boshlab ko’tarila boshlaydi. Iyul oyi mavsumning eng qizg’in pallasidir, bu davrda bu yerda turli festivallar o’tkaziladi va do’konlarda chegirmalar boshlanadi. Avgust oyida Atlantika sohilbo’yida havo sovuqlasha boradi. Moviy q’irg’oqda esa turistlar turistlar soni kamaymaydi. Yozning oxiriga kelib, vinochilik bayramlari boshlanadi, bu ajoyib ichimlikni ta’tib ko’rish uchun qulay imkoniyatdir.    

Mashhur kurortlar: O’rta Yer dengizida – Moviy qirg’oq (Nitssa, Antib, Sen Trope, Kann va boshqalar)

Atlantik sohil bo’yida – Akvitaniya, Bretan, Normandiya

Korsika oroli

19.Xorvatiya

19.Xorvatiya

Ushbu uncha katta bo’lmagan mamlakat Adriatik dengizining qirg’oq bo’yida joylashgan. Bu kichikroq davlat bo’lgani bilan u yerda tomosha qilishga arzigulik joylar bor: manzarali Alp tog’lari, qadimiy qasrlar, tabiiy diqqatga sazovor joylar va issiq buloqlar hamda ajoyib plyajlar. 

Bu yerda yoz juda issiq bo’ladi, biroq iqlimi quruq bo’lganligi uchun issiqlikni ko’tarish qiyinchiliksiz o’tadi. Iyun oyi dam olish uchun juda qulay, iyul oyida esa jazirama issiq boshlanadi. Avgust oyi ham hordiq chiqarish uchun munosib palla. Shuning uchun ham bu paytda turistlar soni ko’payib, narx-navolar ham ko’tariladi.

Ommaviy kurortlar: Istriya yarim oroli, Kvarnera qirg’oqlari, O’rta va janubiy Dalmatsiya, Dubrovnik va boshqalar.

20. Chernogoriya

20. Chernogoriya

Yozda Chernogoriyada havo issiq, lekin quruq bo’ladi.

Iyunning boshlarida bu yerda ko’pgina yevropaliklar tashrif buyuradilar, ammo narxlar qimmat bo’lmaYDI. Havo harorati 28-30 daraja issiq, dengizda esa 18-19 daraja issiq bo’ladi. Iyul va avgust oylari mavsumning avjiga chiqqan pallasi bo’lib, havo harorati +30 dan ham oshib ketadi. Qulay ob-havo, ajoyib dengiz, faqatgina narx-navo qimmat!

 Mashhur kurortlar: Budva, Bechchi, Ultsin, Gertseg-Novi, Tivat.

Maqolani baxolash?

Facebook Conversations