Sevgi turlari haqida bilasizmi?

 “Eros”- muhabbatda his- tuygʻu oʻta kuchli boʻladi, tuygʻular asosida yotgan motiv muhabbat obektiga jismoniy ega boʻlishdir. Bunday muhabbat turida jismoniy intilish yetakchilik qiladi.

 “Lyudus” – muhabbatga unchalik chuqur boʻlmagan oʻyin sifatida qarash. Bu turdagi sevgida hislar obekti boʻlgan kishining oʻrni juda tez oʻzgarishi mumkin.

 “Storge” – bir qarashda kuchli ifodalanmaydigan, ishonchli muhabbat turi. Ushbu muhabbat turida hurmat, ishonch va doʻstlik tuygʻulari yetakchilik qiladi.

 “Pragma” – lyudus va storgelardan iborat boʻlgan, doimiy ong nazorati ostidagi hisobli muhabbat turi. Bunda inson muhabbatdan qanday manfaat koʻrishi va muhabbat obektidan ham nimalar kutayotganini yaxshi biladi.

 “Maniya” – eros va lyudusda iborat boʻlib, sevgan kishi devgi obektiga tobe ekanligi bilan harakterlanadi. Ammo uning eros va lyudusdan farqi sevgan shaxsida oʻziga nisbatan ishonch kam boʻladi.

“Agape” – eros va storgelar yigʻindisidan iborat muhabbat turi. Bu turdagi muhabbat sohiblari oʻz sevgisini oʻta kuchli ifodalaydilar. U sevgi obektiga borini : oʻzi, hayoti, xis-tuygʻularini bagʻishlash va qurbon qilishga toyyor boʻladi.

Kuzatishlarga koʻra, erkaklar sevgisi, odatda, eros va lyudus, ayollar sevgisi esa pragma, storge va maniya turlariga mansub boʻladi. Shuningdek, bir turda boshlangan sevgi maʼlum vaqtdan soʻng ikkinchi turga almashinishi ham mumkin.