Qatiqning foydali xususiyatlari bilan tanishing

Qatiq ichaklar mikroflorasini shakllantirish uchun eng muhim mahsulot sifatida eʼtirof etiladi. Hayot davomida hazm qilish aʼzolarida koʻp bekteriyalar yigʻilib qoladi, ularning koʻpchiligi esa kasalliklarni keltirib chiqarishi bilan birga, organizmdagi qarish jarayonini tezlashtiradi. Qatiq esa ichki aʼzolarga ijobiy taʼsir koʻrsatib, ichaklar faoliyatini ragʻbatlantiradi.

Qatiq tarkibidagi koʻplab foydali bekteriyalar, vitamin va aminokislotalar nafaqat ichaklar mikroflorasi, balki immun tizimini mustahkamlaydi, uyquning tinch boʻlishiga yardam berib,  asab tizimiga ijobiy taʼsir koʻrsatadi.

Diqqatni bir joyga jamlash kerak boʻlgan paytda qatiq ichmagan maʼqul. Har qanday sutli maxsulot, shu jumladan qatiq ham asab tizimini boʻshashtirib, unga tinchlantiruvchi taʼsir koʻrsatadi.

Qatiq nordon mahsulot boʻlgani bois, kislotalilik darajasi yuqori boʻlgan kishilarga tavsiya etilmaydi.

Sut mahsulotlariga nisbatan alergiyasi boʻlgan kishilar qatiq ichmaganlari maʼqul. Ularga biokefir tavsiya etiladi.

Qatiq isteʼmolining bir kunlik meʼyori 200-400 grammni tashkil etishi lozim.

Qatiqni hech qachon oʻta sovuq xolda ichmang. U xona haroratida boʻlishi va kichik hoʻplamlar bilan ichilishi kerak.

Agar qatiqni ozish maqsadida isteʼmol qilsangiz, yogʻlilik darajasi 1-1.5 % ligini tanlaganingiz maʼqul. Yogʻli qatiq ichish shishlardan aziyat chekuvchi bemorlarga tavsiya etilmaydi.