Uyqusizlik bezovta qilsa...

1.            Toʻliq tinchlanib olish va tezroq uxlash uchun kechki taom paytida qovurilgan va yuqori kaloriyali yeguliklar isteʼmol qilmang. 

2.            Lavanda iforining uyqu chaqirish imkoniyati haqida hech eshitganmisiz? Karavotingizga yaqin boʻlgan biror joyga lavandaning efir moyidan ikki tomchi tomizib qoʻying. 

3.            Iliq sut tarkibidagi aminokislotalar va kaltsiy tezroq uxlash uchun yordam beradi, shuning uchun ham uni uxlashdan bir necha soat avval ichib olish tavsiya qilinadi.

4.            Kechki tanovul paytida goʻshtli mahsulotlar yemagan maʼqul, ammo parhezbop parranda goʻshti bundan mustasnodir.

5.            Suli yormasi tarkibida kletchatka bilan bir qatorda uyqu gormonlari ham bor, shu sababli uni sut va asal bilan qorishtirgan holatda isteʼmol qilish juda foydalidir.

6.            Uyqu oldidan isteʼmol qilingan yarimta banan yoki kivi ham tezroq uyquga ketish uchun yordam beradi.

7.            Agar uyqusizlik sababi notinch hayollar va xavotir hissi boʻlsa, asal hamda moychechak damlamasi isteʼmol qilish kerak.

8.            Doʻlana tindirmasi tez uxlash uchun yordam beradigan vositalar sirasiga kiradi.

9.            Yalpizli choy uyqu sifatini yaxshilab, tomirlarni kengaytiradi va tanadagi ogʻriqlardan xalos etadi.

10.          Har kun uyqu oldidan iliq haroratli va shifobaxsh giyohlar suvidan tayyorlangan vanna qabul qiling.