Keykpops: “Tayoqcha”li tortning kelib chiqish tarixi va tayyorlash sirlari

Ayni vaqtda uni odatiy tortlarning va boshqa turdagi klassik desertlarning oʻrniga turli bayramlar uchun tayyorlashadi. Ularni toʻy marosimlari, tugʻilgan kunlar, turli tantanalar dasturxonida uchratish mumkin. Bezatish usuli ham belgilangan bayramga mos boʻlishi lozim. Odatda ularni minora shaklida tahlashadi, baʼzan esa tortlar uchun bezak sifatida qoʻllashadi. 

Ushbu shirinlikni yaratish gʻoyasi ilk marta taniqli qandolatchi va bloger Enji Dadli tomonidan sinab koʻrilgan. Avvaliga ushbu gʻoya atrofdagilar tomonidan jiddiy qabul qilinmagan boʻlsa ham, Enji oʻz gʻoyasining amaldagi suratini boshqalarga taqdim qilgach, koʻpchilik uning fantaziyasiga tan berdi. Shu tariqa bloger keykpopslar haqidagi kitobini taqdim qildi, asar haqiqiy bestsellerga aylanib ketdi. Desertni butun Amerika boʻylab tayyorlashni boshladilar.

Ammo ushbu gʻoyaning muallifini faqatgina Dadli deb boʻlmaydi. Aslida uni koʻplab mamlakatlar qandolatchilari tayyorlashgan, ammo shirinlikni tayoqchaga oʻrnatish fikrini aynan Dadli ixtiro qilgan. 

Kerakli masalliqlar:

300 gr tayyor biskvit

30 gr sirop (yoki murabbo)

50 gr sariyogʻ

70 gr quyultirilgan sut

120 gr sutli shokolad

30 gr yongʻoqlar

20 gr qandolat sepmasi

 

1.     Xona haroratida yumshatilgan sariyogʻ mikser bilan koʻpirtiriladi va ichiga asta-sekin quyultirilgan sut qoʻshiladi. 

2.     Biskvit uvoqlab olinadi, yongʻoqlar maydalanadi. Ushbu masalliqlar sirop hamda sariyogʻli krem bilan qorishtiriladi. 

3.     Tayyor massa koʻrinishi plastilinni yodga solishi kerak.

4. Tayyor boʻlgan massadan kichik sharchalar yasaladi va 1 soatga muzxonaga solib qoʻyiladi. 

5.     Shokolad boʻlaklangach, ichiga 1 choyqoshiq oʻsimlik yogʻi qoʻshiladi va mikrotoʻlqinli pechda eritiladi. 

6. Sharchalar shokolad ichiga botirib olinadi. 

7. Shirinliklar ustidan qandolat sepmasi yordamida bezak beriladi va bir necha soatga sovutgichga joylab qoʻyiladi.