Aqlingizni charxlaydigan beshta xobbi

Pazllar 1760-yillarda ingliz kartografi Jon Spilsberi tomonidan yaratilgan. U dunyo xaritasini turli shakl va oʻlchamdagi koʻplab boʻlaklarga boʻlib tashladi. Ularni toʻplagan oʻquvchilar geografiyani qiziqish bilan oʻrgandilar. Keyinchalik, shu tarzda, oʻqituvchilar bolalarga boshqa fanlarni oʻqitishni boshladilar. Zamonaviy dunyoda biz boʻlakchali jumboqlarni bolalar toʻplashiga odatlanib qolganmiz. Ammo bu mashgʻulot kattalar uchun ham birdek qiziq. Pazllar mantiqni, fikrlashni rivojlantiradi, qoʻllarning kontsentratsiyasini va nozik vosita mahoratini yaxshilaydi. Siz koʻproq sabrli va intizomli ekanligingizni sezasiz. Tan oling, televizor qarshisida vaqtni zoye ketkazishdan koʻra, boʻlakchali jumboq (pazllar) uchun boʻsh vaqtni sarflagan maʼqulroq. Shunday emasmi?

Yevropalik tadqiqotchilar ikki yoki undan koʻp tilni oʻrganadigan bolalar boshqa fanlar boʻyicha ham koʻproq maʼlumotni yodlay olishadi, degan xulosaga kelishdi. Bu narsa kattalarga ham taalluqli, chunki tillar aqliy qobiliyatlarni sezilarli darajada rivojlantiradi. Xorijiy tillarni oʻrganish shuningdek, aqlning jadal tezlikda pasayishi kuzatiladigan Altsgeymer kasalligining oldini olishga ham xizmat qilar ekan.

Video oʻyinlarning zararli tomonlari toʻgʻrisida shunchalik koʻp narsa aytilganki, bizning nazdimizda ularning foydali tomoni boʻlishi mumkin emas. Ammo bu unchalik toʻgʻri emas. Psixolog Jeyms Allaynning taʼkidlashicha, miya uchun kompyuter oʻyinlari tanadagi jismoniy mashqlarga oʻxshaydi. Bu gapda haqiqat bor. Videooʻyinlar odamda serqirralikni rivojlantiradi va reaktsiya tezligini yaxshilaydi. Tadqiqotdan soʻng, Amerikaning Rochester universiteti olimlari oʻyinchilar turli xil strategik muammolarni hal qilishlari, shuningdek, murakkabroq algoritmlarni eslab qolishlari mumkinligini aytishdi. Bu narsa ertada-kechgacha kompyuterda doimiy oʻtirishni oqlamaydi, albatta. Ammo agar siz uni suiisteʼmol qilmasangiz, bundan ulkan foyda olishingiz mumkin.

Sayyoramizning eng yorqin insonlari doimo jismoniy mashgʻulotlarga vaqt ajratar edilar. Va bu shubhasiz ularga yordam bergan! Maymunlar ustidan oʻtkazilgan tajribalardan soʻng, olimlar jismoniy mashqlarni bajaradigan sportchilar oʻzlarining vazifalarini sport bilan shugʻullanmaydiganlarga qaraganda tezroq bajara olishlarini aniqladilar. Xulosa chiqaring! Nafaqat kitoblar, balki sport ham aqlli boʻlishga yordam beradi. Hech boʻlmaganda yugurishga vaqt topishga harakat qiling. Ham foydali, ham yoqimli.

Ha, bu haqiqiy xobbi boʻlishi mumkin! Buning aqlga qanday foydasi boʻlishi mumkin? Bu bizning tanamizdagi modda almashinuv jarayoni va miya faoliyatimizga ijobiy taʼsir qiladi. Buni koʻpgina tadqiqotlar isbotladi. Tajribalar oʻsimliklar, laboratoriya kalamushlarida va hatto odamlarda oʻtkazilgan. Homiladorlik paytida ham klassik musiqani tinglash foydalidir, chunki bu homila rivojlanishiga ijobiy taʼsir qiladi. Xoʻsh, shunday ekan, nima uchun kuniga kamida yarim soat vaqtni sevimli mashgʻulotimizga ajratmaymiz?!