Toʻqlik indeksi: semirtirmaydigan, choʻchimasdan bemalol isteʼmol qilish mumkin boʻlgan mahsulotlar

*Katta hajm. Ozuqa mahsulotlari koʻp miqdorda suv yoki havoga ega boʻlsa, inson kaloriyasi koʻpaymagan holda toʻyadi.

*Oqsil uglevod va yogʻlardan koʻra ochlik hissini ketkazadi.

*Kletchatka ham toʻqlik hissini beradi.

Bunday mahsulotlarni koʻproq isteʼmol qilishdan qoʻrqmasangiz boʻladi, semirtirmaydi.

Kartoshka tarkibida uglevodlar mavjud boʻlganligi uchun koʻpchilik ozmoqchi boʻlganlar uni isteʼmol qilishdan choʻchiydilar. Ammo bu notoʻgʻri, chunki u vitaminlar, kletchatka va ozishga yordam beruvchi boshqa ozuqa moddalariga boydir.

Tuxumlar ham katta miqdorda ozuqaviy moddalarga ega. Uning tarkibida katta miqdorda oqsil hamda 9 ta aminokislota bor.

Ertalabki nonushtaga tuxum yeganlar toʻq yuradilar va kun davomida kamroq kaloriya isteʼmol qiladilar.

Toʻyimlilik indeksi boʻyicha suli (ovsyanka) 3-oʻrinda. U kletchatkaga boy va suvni shimib olish xususiyatiga ega. 

Baʼzilar suyuq ovqatni quyuq ovqatdan koʻra toʻyimsizroq, deb hisoblaydilar. Biroq tadqiqotlarning koʻrsatishicha, suyuq ovqat quyuq ovqatga qaraganda toʻyimliroq hisoblanar ekan. 

Mevalar – sogʻlom diyetaning muhim qismidir. Jumladan, olmalar yuqori darajadagi toʻyimlilik indeksiga ega. Olmada pektin moddasi mavjud boʻlib, u hazm qilish jarayonini sekinlashtirib, toʻqlik hissini beradi. 

Baliq omega-3 yogʻ kislotasiga boy boʻlib, toʻqlik hissini yaxshi beradi. U shuningdek, yuqori sifatli oqsilga ega. Oqsilli mahsulotlar ichida toʻqlik indeksi boʻyicha baliq ikkinchi oʻrinda turadi.

Tvorog kaloriyasi kam, u koʻp miqdorda oqsilga ega. Tvorog shuningdek, vitamin B, kaltsiy, fosfor va selen kabi ozuqaviy moddalarga boy, shuning uchun u yaxshi parhez taomi hisoblanadi.

Sabzavotlar kam kaloriyali, biroq katta hajm beradi. Sabzavotlarda toʻyimli moddalar, oʻsimlik birikmalari mavjud. Bulardan tashqari ularda oshqozonni toʻldirishga yordam beruvchi koʻp miqdorda tola va suv bor.