Dunyodagi eng gʻaroyib telefonlar

Ushbu oʻziga xos telefon Bang & Olufsen kompaniyasi tomonidan ishlab chiqilgan. Dizayni tufayli ham koʻrishga arziydi: unchalik katta boʻlmagan ekran, har qanday telefon uchun juda klassik koʻrinish va uning ustidagi ulkan tugma. Nega aynan ekran ustida? Ishlab chiquvchilarning fikriga koʻra, shu tarzda displey "qalin" koʻrinmaydi. Samsung Sereneda anʼanaviy telefon klaviaturasi oʻrniga katta dumaloq tugma va uning atrofida terish tugmachalari mavjud. Telefonda sizning quloqlaringizga yoqadigan zamonaviy va odamlarni hayratda qoldiradigan ohanglar mavjud. 

Zamonaviy uyali telefonlar har xil funksiyalar bilan toʻldirilgan boʻladi.  Biroq, Hyundai ijodiy gʻoyalari eng kreativ imkoniyatga zamin yaratdi. "Parfyum telefon" deb ataladigan MP-280, har safar qopqoq ochilganda xushboʻy atirning bir qismini sepadi. Parfyumni telefon bilan birga keladigan maxsus shprits yordamida toʻldirish mumkin. Ushbu ajoyib telefonning narxi 1200 dollarga teng boʻlib, uni keng jamoatchilik koʻrmaganligi ham aniq.

Bb-mobile nomi ostida juda katta miqdordagi keng maqsadli elektron moslamalar chiqarildi. Ular orasida bolalar uchun ham mobil telefonlar bor. Ular minimal funksiyalar va tugmalar toʻplamiga ega. Har bir model oʻziga xos dizaynga ega. Qurilmaning asosiy maqsadi bolalarning xavfsizligi va nazoratini taʼminlashdir. Qurilma GPS qabul qilgichlari va tez terish tugmachasi bilan jihozlangan.

Ushbu qurilmani ishonchli tarzda "maxfiy agentning buyumi" deb atash mumkin. Tomoshabinning josuslik filmlari orqali koʻradigan asboblari asta-sekin oddiy odam uchun mavjud boʻla boshladi. Haier Pen Phone P7 dizayni jihatidan oddiy sharikli ruchkaga oʻxshaydi. Ushbu qurilma rangli ekran, kamera, ovoz yozuvi, shuningdek polifonik ohanglar toʻplami bilan jihozlangan. 

Baʼzan xitoyliklarning fantaziyasi boyligini tan olmay iloji yoʻq! Buning dalili Xian Yan Wang XYW 3838 telefonidir, u bir quti Chonghwa sigaretiga oʻxshaydi. Tashqi koʻrinish nafaqat estetik, balki funktsional maqsadga ham ega. Telefon sigaret qutisi sifatida xizmat qilishi mumkin. Hammasi boʻlib, siz yettita sigaretni telefonga sigʻdira olasiz. Shuningdek, qurilma  rangli ekran va kamera bilan jihozlangan.