Italiya qishloqchasi hokimi, ular oldiga koʻchib keladiganlarning barchasiga 2000 evro taklif qilmoqda

Yangi joyda yangi hayot boshlashni istarmidingiz? Italiyaning Liguriya, hushmanzara togʻli tumanida joylashgan, idillistik kichik qishloqchani oʻz tasavvuringizga keltiring. Bormida qishlogʻining hokimi u yerga koʻchib kelgan  har bir odamga 2000 evro toʻlashni vaʼda bermoqda. Yangi aholi uy-joylarni haftasiga, atigi, 12.5 evroga ijaraga olishlari mumkin boʻladi.

Bormida togʻli qishloq Italiyaning shimoli-gʻarbidagi Savona provinsiyasida, Genuidan taxminan 80 kilometr masofada, joylashgan. Qishloq baland togʻlarda joylashgan, lekin shunga qaramay dengizga juda ham yaqin. Shuning uchun u yerda havo juda toza. 

Qishloqchaga qadim, Oʻrta asrlarda asos solingan boʻlib, oʻz qadimiy arxitekturasi va ajabtovur manzaralari bilan maqtansa boʻladi.

Ammo, bugun bu idillistik qishloqda faqatgina 394 ta aholi istiqomat qilib, u navbatdagi italiyalik arvoh-shaharga aylanishi havfi bor. Bunday depopulyasiya sababi – ishsizlik: koʻpchilik mahalliy aholi Bormidadan ish qidirib koʻchib ketgan. 

Bormidaga yangi aholini jalb qilish maqsadida, hokim Daniele Galyano (Daniele Galliano), ular oldiga koʻchib kelishga qaror qilganlarning har biriga pullik kompensasiya toʻlashga qaror qildi. Oʻz inisiasivasini u Facebook rasmiy sahifasida nashr qildi. “Agarda, siz, bizning kommunamizga, doimiy yashashga koʻchib kelsangiz, biz sizga ikki ming evro miqdorida pul mablagʻini toʻlaymiz”.

Qishloqda aholi juda kam ekanligiga qaranay, bu yerda toʻrtta restoran, kutubxona, pochta, doʻkon, oilaviy mehmonxona, dorixona va Bormidaga haftasiga uch marotaba kelib ketuvchi shifokor bor ekan.

Bormidadan 20 kilometr masofada joylashgan qoʻshni shaharchada, sayyohlar orasida ancha mashxur boʻlgan, Mishlen kategoriyasidagi, Locanda dellʼ Angelo joylashgan. 

Pul mukofatidan tashqari, Bormidaga koʻchib oʻtmoqchi boʻlganlar, yana bir muhim bonusga ega boʻladilar: juda ham past narxlarda yaxshi turar joylarni ijaraga olish imkoniyati – bir oyga 50 evrodan 120 evrogacha.

Misol uchun, oshxona, vanna, mehmonxona, garaj, omborxona, podvol, toʻrt yotoqxonali,uy ijarasining bir taklifi oyiga atigi 50 evro (haftasiga 12,5 evro). Solishtirish uchun: London markazida, ikki yotoqxonali uy ijarasi haftasiga 3 ming funt sterling (3900 dollar) ga teng.

Merning taklifi bilan oʻnlab odamlar qiziqib qoldilar: togʻli qishloqchaga xozirdan Daniya, Hindiston, Qoʻshma Shtatlar, Buyuk Britaniya, Vengriya va Indoneziyaliklar koʻchib kelmoqchilar. Shu bilan birga ularni ish yoʻqligi xech ham tashvishlantirmayapti. Chunki ularning koʻpchiligi masofadan turib ishlay oladilar va shu sabasli qishloqda yuqori tezlikli internetga ulanish borligi haqida qiziqmoqdalar.