Dunyodagi eng chuqur gʻor qanday koʻrinishda ekanini soʻz bilan taʼriflash qiyin. Buni koʻrish kerak

Kruber gʻori, shu bilan birga Voronya, rasman qayd etilgan 2000 metrdan ortiq chuqurlikka ega va u odamlar ichiga kira olgan sayyoramizdagi bunday gʻorlardan yagonasidir. Gʻorlar orasida titan. Koʻplab professional speleologlar uchun eng istalgan va qiyin maqsad boʻlib, shu bilan birga odamlar nigohidan doimiy yashiringan aql bovar qilmas goʻzallikdagi joy. 

Birinchi bor odamlar bu gʻorga 1960 yilda tushishgan. Chuqur emas, qandaydir 180 metrga - Nyu-Yorkdagi koʻp osmonoʻpar binolarning balandligini yarimi. Oʻsha vaqtning oʻzida yana koʻproq pastga tushish qiyin va uzoq boʻlishi aniq boʻlgan edi. Shuning uchun bu yerda faqatgina 80 chi yillarning oʻrtalaridagina qaytishdi. Va sensasiya ketidan sensasiya kelaverdi. 

400 metrlik chuqurlikdagi tarmoqlanishlar gʻorning asl oʻlchamlari oldida bu mayda chuyda ekani tez aniqlandi. Lekin pastga tushish chuqurligi 100-200 metr boʻlgan, tik quduqlar orqali boʻlganligi sababli, gʻor pastiga tushish aql bovar qilmas darajada xavfli va qiyin edi. Va koʻpni koʻrgan speleologlar uchun juda istalgan ham edi. Ular tomonidan Kruber gʻorning murakkab "xarakteri" chaqiruvdek qabul qilinar edi.

2001 yilning yanvarida Rossiya-Ukraina ekspedisiyasi 1710 metrlik chuqurlikka tosha oldi. Bu voqea gʻorga rasman dunyodagi eng chuqur gʻor statusini berish ilm berdi. Ammo lekin gʻor tubigacha hali ancha bor ediku! Rossiya, Bolgariya, Fransiya, Buyuk Britaniya, Ispaniya, Irlandiya, Izrail, Litva, Moldava tadqiqotchilari super - gʻorning barcha sirlarini ochish uchun oʻz kichlarini birlashtirdilar. 

2012 yilning avgustida 59 kishidan iborat speleologlar guruhi, ular gʻor tubi deb oʻylashgan, joyga yetishdi. Eng chuqur nuqtaga yetish sharafi simferopollik olim, Gennadiy Samoxinga nasib etdi. Bu 2197 metrlik belgi edi. Biroq bu oxiri emas edi. 

Oradan ikki yil oʻtib, yangi ekspedisiya, bundan avval koʻrilmagan yoʻlaklarni kashf etadi va yer osti saltanatining yangi yerlariga tushadi. Jihozlar yordamida ular avvalgi rekorddan 2 metr pastroqda 2199 metr chuqurlikda ekanlarini aniqlaydilar, lekin bu asosiysi emas. Aniqlashlaricha, Kruber/Voronya palekastor galereyalari orqali qoʻshni Kuybishev gʻori bilan qoʻshilar ekan. Va potensial bu unikal yer osti massivi uzoqqa va chuqurga yoyilib ketar ekan. Dunyodagi eng chuqur gʻor sirlari hali ochilgani yoʻq!