Avvaliga qoʻshnilar yigit yerni basseyn uchun qozyapti deb oʻylagan edilar, ammo natija ancha yaxshiroq chiqdi

Bu yigit yaratgan ishga qarab, mashhur iborani eslasa boʻladi: “Erkak doimo yigitcha boʻlib qoladi, ammo uning oʻyinchoqlari ancha kattaroq va qimmatroq boʻlib chiqadi”. Kolin Fyorz oʻz hovlisida chuqurlikni qaziy boshlaganida, qoʻshnilar u basseyn qurmoqchi degan fikrda edilar. Ammo barchasi bundanda qiziqarliroq boʻlib chiqdi.

Kolin Fyorz (Colin Furze) turli xildagi ixtirolarni, yaʼni reaktiv dvigatelli velosiped yoki olovqurolli skuter kabilarni yaratishni xush koʻradi. Bu safar esa yigit oʻz hovlisida haqiqiy boʻydoqlik boshpanasini yaratishni oʻylab topdi. Oʻz boshpanasi bilan uyi oldidagi bogʻchani buzmaslik uchun, un iyer ostida qurishga ahd qildi.

Kelgusi boshpana rejasi boshida yosh bolaning chizgan rasmini eslatardi. Kolin hovlisida kerakli maydonni belgilab oldi va uni kurak bilan qozishni boshladi. Kurak yordam berolmasligini tushunganida, u ekskavatorni ishga soladi. Bungan keyin bunkerning asosi tariqasida, yigit oʻzi payvandlab qoʻygan metal parchalarini ishlatgan.

Asta-sekinlik bilan Kolin oʻz uychasini “yigitga xos” turda toʻldirdi: uning ichida barabanlarni, futbol oʻyinlari koʻrsatiladigan katta plazmani uchratish mumkin. Oshxonada odatiy “boʻydoqlik toʻplamini” koʻrish mumkin: konservalar, chipslar va boshqa uzoq saqlanadigan mahsulotlar. 

Tashqarida Kolin Fyorz hamma joyni avvalgi ahvolga keltirdi, bogʻ avvalgidek koʻkarib ketdi. Faqat hovlisining bir chetida yigit kichik bir uychani qurdi. Agar ichkariga kirib, poldagi gilamni chetini ochsa, aynan oʻsha yerda boshpanaga kirishni toppish mumkin.