Buyuk faylasuflarning boylik va kambagʻallik haqidagi iqtiboslari

Inson ajoyib yaratilgan – boyligini yoʻqotganida qaygʻuradiyu, biroq hayotining behuda ketayotganigan kunlariga afsuslanmaydi. (Abu –al-Faraj)

Inson dunyoda boy boʻlish uchun emas, baxtli boʻlish uchun yashaydi. (Stendal)

Inson qanchalik kam narsani xohlasa, Xudoga shunchalik yaqin boʻladi. (Suqrot)

Ilm sari intil. U sening boyliging – puling boʻlmasa ham qashshoq boʻlmaysan; agar boyib ketsang sening koʻrking boʻladi. (Al-Zubayer)

Hayollarimiz bizning hayotimizni belgilaydi. Kim kasallik haqida koʻp gapirsa – koʻp xasta boʻladi, kim boylik haqida koʻp gapirsa, boy boʻladi. (“Sekret” filmidan)

Puli yoʻq inson emas, maqsadi yoʻq inson qashshoqdir. (Suqrot)

Insonlarning ongi kamaygan sari kambagʻallikka nisbatan nafrati oshib boradi, boylikni esa izzat-hurmat qiladi. (Charlz Kaleb Kolton)

Baʼzi odamlar kumush va oltinni neʼmat deb hisoblaydilar, aslida boylik neʼmatlarni qoʻlga kiritish vositalaridan biridir, xolos. (F.Laroshfuko)

Boylik dengizning shoʻr suviga oʻxshaydi – ichgan saring chanqogʻing kuchayaveradi. (A.Shopengauer)

Boylikda doʻstlar va yaqinlaring koʻp, kambagʻallikda qarindoshing ham topilmaydi. (Yapon maqoli)

Boylik insonni oʻzgartirmaydi, balki asl basharasini koʻrsatadi. (Maqol)

Kambagʻallik fazilat emas, kambagʻallikda ham yashashni bilish – fazilatdir. (Pifagor)

Mol-mulkning kamayishi qashshoqlik emas, ochkoʻzlikning koʻpayishi qashshoqlikdir. (Platon)

Biror narsaga ehtiyoji boʻlgan boy – boy emas, hech narsaga muhtoj boʻlmagan kambagʻal – kambagʻal emas. (Demokrit)

Odamlarni boylik yoki qashshoqlik buzmaydi, ularni ochkoʻzlik va baxillik yoʻldan ozdiradi.

Kambagʻallik muammo boʻlishi mumkin, ammo u seni nimalarga qodir ekanligingni koʻrsatib beradi.

Agar siz koʻrish, yurish, sevish va har tong oʻrningizdan turishga qodir boʻlsangiz, demak siz juda boy insonsiz. (Djeym Rey)