Debbie Winghamdan arab marvaridi: Dubayda kelin koʻrinishidagi 120 kilogrammlik tort tayyorlandi

Tort arab kelinchaklari koʻrinishida yaratilgan boʻlib, gʻoya muallifi “Dunyodagi eng qimmat dizayner” deb eʼtirof etiluvchi Debbi Vingxemdir. Tort Birlashgan Arab Amirliklarining Dubay shahrida oʻtkazilgan “Dubai Bride Show 2018” toʻy koʻrgazmasida keng ommaga namoyish etildi.

Kelib chiqishi britaniyalik boʻlgan Vingxem tarixdagi eng qimmatbaxo buюmlar, jumladan 16 million dollarlik poyabzal, 4,8 million dollarlik qora olmos koʻylak va tugʻilgan kun hamda unashtirish marosimlari sharafiga yaratilgan hamda narxi 74,4 million dollarga baholangan tort muallifi hamdir.

Kelib chiqishi britaniyalik boʻlgan Vingxem tarixdagi eng qimmatbaxo buюmlar, jumladan 16 million dollarlik poyabzal, 4,8 million dollarlik qora olmos koʻylak va tugʻilgan kun hamda unashtirish marosimlari sharafiga yaratilgan hamda narxi 74,4 million dollarga baholangan tort muallifi hamdir.

Dizaynerning oxirgi ishlari orasida qayd etilgan va “bor-yoʻgʻi” 1 million dollarga narxlangan “Lulva” dizayner ijodining oʻziga hosligini takroran namoyish etdi desak adashmagan boʻlasiz. “Lulva” soʻzi arab tilidan tarjima qilganda “Marvarid” degan maʼnoni anglatadi.

Ushbu hashamatoli tort anʼanaviy arab kelini koʻrinishida yaratilgan boʻlib, uni tayyorlash uchun 25 kilogramm shokolad, 50 kilogramm atrofida pomadka, uni oʻz joyidan boshqa yerga koʻchirish uchun esa naq 6 kishining koʻmagi kerak boʻldi.

Kelinchakning isteʼmol qilishga moʻljallangan koʻylagi bezaklari shokoladdan yaratilgan, oʻzi esa pomadkadan bunyod etildi.

Ushbu hashamatli “kelin” koʻylagini bezash uchun 5000 dona qoʻlda kesib chiqilgan va pomadkadan yasalgan gullar, 10 ming dona yeyish mumkin boʻlgan marvariddan foydalanildi.

Debbi Vingxem oʻzining ushbu ijod namunasini mutlaq tarzda isteʼmol qilish mumkinligini aytgan boʻlsa ham, kelinning koʻylagi va bosh qismidagi aksessuarga oʻrnatilgan 5 ta yirik olmos toshlari bundan mustasnodir. Ushbu olmoslarning har biri 200 ming dollarga baholangan va aytishlaricha aynan shu olmoslar dizaynerni kelin tortini yaratishga ilhomlantirgan.