Juda qimmat boʻlgan ammo biror naf keltirmaydigan 10 ta buyum

Choy eng arzon ichimliklardan biri hisoblanadi. Choyni hamma joyda sotib olish mumkin. Agar siz chindan ham choy ichishni yaxshi koʻrsangiz va qoʻshimcha pulingiz boʻlsa, unda 14 ming dollarga olmos bilan bezatilgan ushbu choy paketiga eʼtibor bering. Ushbu noyob choy paketi Bruk Bondning PG Tips choyining 75 yilligini nishonlash uchun yaratilgan.

Qoʻlda ishlangan choy paketi 280 olmos bilan qoplangan, uni choyni tayyorlash uchun ishlatilishi mumkin, chunki ichida haqiqiy choy barglari mavjud. Ammo bu biroz kulgili koʻrinadi, chunki choy tayyorlaganingizdan soʻng, paketning yuzidagi barcha olmos goʻzalligini yoʻq qilasiz.

Bir dona LEGO boʻlagi aslida ham juda foydasiz buyumdir. Chunki ajoyib narsalar qurish uchun sizga koʻp boʻlak kerak boʻladi. Shunga qaramay, kimdir bitta LEGO oltin boʻlagini yaratish va uni 14 450 dollarga sotish gʻoyasini ilgari surgan.

Oltin LEGO shakli va oʻlchamlari standart oʻyinchoq versiyasi bilan bir xil - 2 x 4 dyuym (5,08 x 10,16 sm) - lekin 14 karatli oltindan yasalgani bois ogʻirligi 25,65 gramm.

Koʻrish qobiliyati zaif odamlar vaqt oʻtishi bilan kontakt linzalarini sifati buzilishini yaxshi bilishadi. 15000 dollarga teng brilliantli kontakt linzalarni kiyish nimani anglatishini tasavvur qilavering.

Ushbu 18 ta olmosli kontaktli linzalarni uzoq vaqt davomida koʻzlarga zarar bermasdan kiyish qiyin. Ehtimol, linzalar koʻzlarni tirnashi mumkin, bu ularga jiddiy ziyon yetkazishi va odamning koʻrish qobiliyatini buzishi mumkin. Koʻrib turganingizdek, bizning roʻyxatimizdagi boshqa qimmat va foydasiz narsalardan farqli oʻlaroq, bu xavfli buyumhamdir.

Albatta, oddiy kriket toʻpi juda qimmatga tushishi mumkin emas, lekin 2007 yilda maxsus toʻp 68,5 ming dollarga sotilgan. Bu 8.728 brilliant bilan bezatilgan kichik diskotekaga shariga oʻxshaydi.

Aniqroq aytganda, maxsus kriket toʻplari Gitanjali Gems Limited tomonidan ikki nusxada yaratilgan: ular 2007 yildagi Jahon kriket chempionatining eng yaxshi ikki oʻyinchisiga topshirilgan.

Muammo shundaki, bunday toʻpni kaltak bilan urishni hech kim istamaydi va bu uni foydasiz kichik bir narsaga aylantiradi. 

Bozorda yangi texnologiyaga ega mahsulot paydo boʻlishi bilanoq uning narxi darhol koʻtariladi. Agar siz dam olishdan oldin eng soʻnggi gadjet modelining egasi boʻlishni istasangiz, unda siz koʻp pul toʻlashingiz kerak boʻladi. Yaxshiyamki, texnologiya yanada kengayib, yangi mahsulotlar paydo boʻlgandan keyin, narx odatda oqilona chegaralarga tushadi.

130 ming dollar evaziga siz oq oltin bilan qoplangan va 160 olmos bilan qoplangan Yalos olmosli LCD televizorini sotib olishingiz mumkin. Aslida u ishlaydimi yoki yoʻqmi, nomaʼlum, lekin u bezatilgan olmos bilan solishtirganda undagi tasvir shunchaki soʻnib ketadi.

Ruchkani deyarli barcha doʻkondan sotib oladi. Ammo agar siz biron bir ortiqcha narsaga ega boʻlishni istasangiz, unda 595 000dollar qiymatidagi ushbu qimmatbaho ruchkani diqqat bilan koʻrib chiqishingiz kerak.

Qoʻlda yasalgan yozuv asbobi 15 karatli olmos 150 karatli rubinlar bilan qoplangan. Bundan tashqari, qalam yaratish uchun platina va 18 karat oltin ishlatilgan. 

Ushbu qimmatbaho buyumning muammosi shundaki, siz unda yoza olmaysiz. Boisi tasodifan yoʻqotib qoʻyishingiz yoki boʻlmasa uloqtirib yuborishingiz mumkin.

Oddiy shaxmat toʻplami juda qimmat emas va qismlarni almashtirish ancha arzon. Ammo ushbu maxsus shaxmat toʻplami haqida bunday deya olmaymiz. Uning narxi 600 ming dollarni tashkil qiladi.

Oddiy plastik yoki yogʻochdan yasalgan shaxmat buyumlar oʻrniga ushbu toʻplam oq va qora olmos bilan bezatilgan qismlarni oʻz ichiga oladi. Charlz Xollander kolleksiyasining bir qismi boʻlgan ushbu toʻplamni yaratish uchun 320 karatli oq va qora olmoslardan foydalanilgan.

Bunday noyob shaxmat toʻplamlari atigi 7 ta edi va zargarlar ularning har birini yaratish uchun 4500 soat vaqt sarflashdi.

Muammo shundaki, siz ular bilan shaxmat oʻynashni xohlamasligingiz mumkin va bunday toʻplam faqat namoyish uchun mos keladi.

Hojatxona qogʻozi qaysidir maʼnoda qimmatga tushishi mumkin, ammo eng qimmati ham 1,38 million dollarga sotiladigan bu yorqin oltin hojatxona ruloni bilan taqqoslanmaydi.

Ushbu maxsus hojatxona qogʻozi Avstraliyaning Toilet Paper Man kompaniyasi tomonidan ishlab chiqarilgan. Uch qavatli qogʻoz 22 karatli oltin qoplamalaridan qilingan va ulardan foydalanish xavfsiz deb ishoniladi.

Hojatxona qogʻozi oʻralgan holda xaridorga uning ahvoli yaxshi boʻlishini taʼminlash uchun yetkazib beriladi.

Ushbu qogʻoz varagʻidagi muammo shundaki, agar siz uni maqsadga muvofiq ishlatsangiz, hojatxonaga pul toʻlagan boʻlasiz.

Odamlar uy hayvonlarini yaxshi koʻrishadi. Bundan tashqari, ular oʻzlarining itlariga ajoyib aksessuarlarni sotib olish yoki ular bilan goʻzallik tanlovlarida va itlarning namoyishlarida qatnashishni hush koʻradilar. Agar siz haqiqatan ham itingiz bilan maqtashni xohlasangiz, unda Love Dogs Diamonds-dan 3,2 million dollarga Amour Amour boʻyinbogʻini sotib olishni oʻylab koʻring.

Ushbu yoqa 18 karatli oq oltindan qilingan. Shuningdek, unda platin va timsoh terisi elementlari mavjud. Muammo shundaki,agar bunday boʻyinbogʻli it qochib ketsa, uni oʻgʻirlash ehtimoli katta. Kimdir itni topib, egasi yoqasiga qancha pul sarflaganini tushunishi bilanoq, darhol uy hayvonini qaytarib berish uchun katta mukofot olishni talab qilishi mumkin.