Parvoz davomida eng yaxshi taom taqdim qiladigan aviakompaniyalar TOP 10 ligi. “Oʻzbekiston Havo Yoʻllari” birinchi oʻrinda
Olimlarning tadqiqotlaricha, past namlik hamda past bosim sharoitida maza bilish retseptorlarining sezgirligi uch barobar kamayar ekan. Shuning uchun samolyot parvozi paytidagi taom bizga bemazaday tuyuladi. Marketologlarning taʼkidlashlaricha esa, yoʻlovchiga qaysi aviakompaniya oshxonasi yoqsa, keyingi parvozlarini aynan ana shu aviakompaniya orqali amalga oshiradi.
“Tu-tu.ru” servisi 2018 yil aprel oyidan – 2019 yil aprel oyiga qadar 27 500 nafar yoʻlovchilarning fikr-mulohazalari asosida parvoz vaqtida sayyohlarni mazaliroq va toʻyimliroq taom bilan mehmon qiladigan aviakompaniyalar reytingini tuzdilar. Roʻyxatning birinchi oʻrnini har doimdek oʻzimizning Oʻzbekiston Havo Yoʻllari aviakompaniyasi egalladi. Ikkinchi pozitsiyada Ozarbayjonning “Azerbaijan Hava Yollari”, uchinchi oʻrinda esa Turkiyaning “Turkish Airlines” aviakompaniyalari egalladi.
10 ballik shkala boʻyicha yoʻlovchilar aviakompaniya haqida, bortprovodniklarning muomalasi, taklif qilinayotgan ovqatlarning sifati, samolyotning ahvoli, belgilangan vaqtda parvozni amalga oshirishi boʻyicha baholadilar.
Mana bir necha yillar davomida “Oʻzbekiston Havo Yoʻllari” milliy aviakompaniyasi ushbu pozitsiyada sharafli birinchi oʻrinni qoʻldan chiqarmay, egallab kelmoqda. Baho – 9,54. Ushbi aviakompaniya taomlarining portsiyasining kattaligi, xilma-xilligi, mazali va toʻyimligi bilan maqtovga sazovor boʻldi.
2-oʻrin “Azerbaijan Hava Yollary”
Ikkinchi oʻrinni 9.35 balla bilan “Azerbaijan Hava Yollary” egalladi. Ushbu aviakompaniya yoʻlovchilari vino borligini hamda cheklanmagan miqdorda choy va qahva taklif qilinishini taʼkidlab oʻtdilar.
Uchinchi oʻrin 9,08 ball bilan “Turkish Airlines” ga nasib etdi. Bu aviakompaniya “sharqona nafis taomlari” bilan ajraldi.
Eng yaxshi taomlar taqdim qiladigan aviakompaniyalar roʻyxatiga shuningdek, Germaniyaning “Lufthansa” (9,01 ball bilan) kirdi va toʻrtinchi oʻrinni egalladi.
Qozogʻistonning “Air Astana” aviakompaniyasiga 8,98 ball yigʻa olgani uchun beshinchi oʻrin nasib etdi.
Gruziyaning “Georgian Airways” 8,78 ball toʻplab oltinchi oʻrinda.
Gretsiyaning “Ellinair” 8.78 ball toʻpaldi
Tojikistonning “Somon Air” aviakompaniyasi 8,78 ball bilan sakkizinchi oʻrinji egalladi
Gretsiyaning “Aegean Airlines” aviakompaniyasiga 8,77 ball berildi
Moldaviyaning “Air Moldova” aviakompaniyasi 8,72 ball bilan oʻnlik roʻyxatini yakunladi.
Odam.uz tahririyati. Har bir maqolani odam tekshiradi va sodda, jonli oʻzbek tilida yozamiz. Maqsadimiz - foydali boʻlish va vaqtingizni behuda sarflamaslik.
