Qaysi jabhalarda hayvonlar insonlardan samaraliroq foyda keltiradilar?

Koʻpchilik odamlarga uzoq masofalarda uylariga yetib olishlari uchun xarita va kompas kerak boʻladi, kabutar boʻlsa juda uzoq masofadan ham hech qanday koʻrsatmasiz qaytib kela oladi. 

Qanday qilib? Aslini olganda bunda ularga tana aʼzolari yordam beradi. Yaʼni: Frankfurt universitetida oʻtkazilgan tadqiqotga koʻra, qushlarning tumshugʻida metall tuzilmalar mavjud boʻlib, ular harakatlari va joylashuvidan qatʼiy nazar Yerning magnit maydonini his qilishlariga yordam beradi. Shunday qilib, kabutar uchun geografik joyni aniqlash muammo keltirib chiqarmaydi.

Yaqinda eʼlon qilingan tadqiqotlar shuni koʻrsatadiki, bu "magnit jozibasi" boshqa qushlarda ham mavjud.

Chumolilarning koʻplab turlari ajoyib mahoratga ega. Eng taʼsirli turi – bu Amazonkada yashaydigan “mycocepurus smithii”dir. Bu superfeminist chumolilar klonlash orqali naslni koʻpaytirish qobiliyatiga ega. Bu turning koʻpayishi erkaklarning rad etilishi va urgʻochi chumolilarning rivojlanishini oʻz ichiga oladi.

Arizona Universiteti tadqiqotlariga koʻra, oʻzgarishlar qachon yuz bergani nomaʼlum, ammo bunday chumolilar jinsiy qovushishsiz koʻpayib, bu bilan erkaklarning energetik yordamidan voz kechishadi va har bir nasl tomonidan ishlab chiqarilgan urgʻochilar sonini ikki baravar koʻpayishiga erishishadi.

Shuningdek, 2006 yilda Kaliforniya shtatidagi Berkli universitetida oʻtkazilgan tadqiqot shuni koʻrsatdiki, qopqon chumoli (odontomachach bauri) jagʻini gʻaroyib tezlikda yopishi mumkin: bu jarayon 0,13 millisekundda sodir boʻladi. Bu ularning oʻzlari uchun juda baland hisoblangan balandlikka sakrash imkonini beradi.

Sent-Endryus universitetida olib borilgan tadqiqotlar shuni koʻrsatadiki, fillar oilasining gʻoyib boʻlgan 30 tagacha aʼzosini kuzatishi, ularning hidlarini hidlab, ular joylashgan joyning aqliy haritasini yaratishi mumkin. Aftidan bu kichkina funksiya bir nechta bolali onalar uchun juda foydali.

Xuddi shu universitetning yana bir tadqiqotiga koʻra, fillar odamning hidi va kiyimining rangidan kelib chiqib, uning doʻstona yoki tajovuzkor ekanligini aniqlashi mumkin. Shunday qilib, bu aqlli hayvonni aldashga harakat qilishlikda sizga omad tilaymiz.

Zimbabveda termitlar “Makrotermes michaelseni” oʻzlari oziqlanadigan maʼlum bir qoʻziqorinlarga ishlov berishning aniq texnikasini oʻrganib oldilar. Ushbu qoʻziqorin faqatgina Farengeyt boʻyicha 87 darajada oʻsishi mumkin, kunduzgi harorat Farengeyt boʻyicha 104 daraja, kechasi esa Farengeyt boʻyicha 35 darajagacha boʻlganligi sababli, termitlar isitish va ventilyatsion tirqishlarni tartibga solish orqali oʻz qoʻrgʻonlarida doimiy haroratni ushlab turish tizimini yaratdilar.

Lafboro universiteti bunday foydali xususiyat bilan qiziqdi. Xuddi shu usulni inson binolarida qoʻllash boʻyicha tadqiqot oʻtkazdi. Natijada, Xarare (Zimbabve) shahridagi Eastgate markazi termitlar tizimida modellashtirildi.

Shimpanzelarning insonlardan ustunlik qiladigan kamida bir xususiyati bor ekan –  bu ularning fotografik eslash qobiliyati. Kioto Universitetidagi primatlar (maymunlar) ni tadqiqot qilish instituti tomonidan olib borilgan kuzatuvlar yosh shimpanzelarning raqamlarni eslab qolish qobiliyatiga ega ekanligini koʻrsatdi. Ushbu jarayon xuddi shunday sharoitlarda xuddi shunday sinovdan oʻtgan katta yoshdagi insonlarga qaraganda maymunlarda ancha yaxshi natija berdi.

Kichkina shimpanzelar maʼlum bir raqamlarni odamlarga qaraganda tezroq eslab qolishga qodir edi.

Yaqinda delfinlar dunyoda (odamlardan keyin) ikkinchi oʻrinda turadigan eng aqlli mavjudotlar, deb eʼlon qilindi. The Times nashriga koʻra, Jorjiya shtatining Atlanta shahridagi Emori universitetining zoologi, ularning "neyroanatomiyasi odamlar va delfinlar oʻrtasidagi psixologik davomiylikni anglatadi" deb taʼkidlab, inson-delfin oʻzaro taʼsirini qayta koʻrib chiqishga chaqirdi. Los Anjelesdagi Loyola Marymount universitetining yana bir olimi ularni hatto "noinsoniy odamlar", deb atadi.

Ha, delfinlar shimpanzelarga qaraganda ancha aqlli va odamlarga oʻxshash aloqa qilish qobiliyatiga ega. Ularning miyasi odamdan keyin ikkinchi oʻrinni egallab, ularni ajoyib xarakterologik xususiyatlarga ega madaniy hayvonlarga aylantiradi. Sutemizuvchilar oʻz kelajagini rejalashtirishga qodir. Bu delfinning koʻplab qobiliyatlaridan biridir.