Qiziqarli maʼlumotlar: Oshxona uchun moʻljallangan yangicha qulay moslamalar

Toʻgʻri, har bir ayolning oʻz didiga xos moslamalari bor, albatta. Biroq quyidagi eʼtiboringizga havola etilayotgan moslamalar har bir bekaning qalbidan ham, oshxonasidan ham joy olishiga ishonamiz.

Ushbu kichkinagina krovatcha shaklidagi taglik oshxonada birinchi darajali zaruriyat boʻlmasada, bunday yoqimtoygina jihoz interyerga quvonch va qulaylik hissini beradi.

Sariyogʻ sovuq yogʻ boʻlgani uchun undan buterbrod tayyorlashda foydalanish biroz qiyinchilik tugʻdiradi. Maxsus isitiladigan pichoq bu muammoni osongina hal qiladi. Pichoq qizish xususiyatiga ega, shuning uchun u sariyogʻni yumshatadi va uni nonga bir tekisda surtadi.

Bu uncha katta boʻlmagan oshxona jihozi har bir bekaning qulaygina yordamchisi boʻlishi aniq. Uning yordamida shisha idishlarni ochish, qotib qolgan qopqoqlarni burab ochish, konserva idishlarini ochish hamda ogʻzi yopishib qolgan paketchalarni bir zumda ochish mumkin.

Ihcham va qulaygina bu taglik tova va qozonlarning qopqogʻini, shuningdek taom tayyorlash jarayonida ishlatiladigan qoshiq, sanchqilarni qoʻyishga moʻljallangan boʻlib, ish joyi va stol ustining yogʻ va ifslos boʻlishdan saqlaydi.

Silikonli choʻtkaga ega hamda uncha katta boʻlmagan dispenser oʻsimlik yogʻi va tuxumlarni istalgan yuzaga bir tekisda surib chiqishga yordam beradi.

Bu grafinning olib qoʻyiladigan qismlariga quruq choy, yax hamda meva va rezavorlarning mayda donalarini solish mumkin. Bunday grafin choy damlash, limonad solib qoʻyish va boshqa ichimliklar uchun ham juda qulaydir.

Noodatiy shaklga ega boʻlgan bu slayser (narsalarni boʻlaklarga boʻluvchi pichoqcha) yordamida qovunni soʻyyish, uni danaklari va poʻstlogʻidan osongina tozalash mumkin.

Bu qulaygina moslama eski oshxona bolgʻachasining oʻrnini bosa oladi hamda goʻshtlarning yumshoq, suvli, yumshoqqina boʻlib pishishiga xizmat qiladi.

Pishloq qoʻshilgan yogʻliqqina kotletlarni pishirish uchun moʻljallangan bu qolip, shibbalovchi qopqoq, olinuvchi qoshiqcha hamda ikkita tsilindrli segmentlardan iborat boʻlib, kotletlar va chizburgerlarga shakl berish uchun moʻljallangan.

Bu hamir yoyish uchun moʻljallangan juvani hamirning katta kichikligiga qarab uzunligini oʻzgartirish mumkin.

Bu moslama qaynatilgan guruch, baliq hamda sabzavotlardan jipsligi va shakli ideal darajadagi rollarni qilib chiqaradi.

Bu mashinka varaqi va chuchvaralarning chetlarini jipsroq yopishtirish uchun moʻljallangan.

Bu qoshiqning dastasi hamda boshchasi oʻzgartirib turganligi uchun u kapgir ham, choʻmich ham boʻla oladi. Shu xususiyati tufayli bu universal qoshiqda oshxonada taom tayyorlash jarayoni osonlashadi.

Bu qopqoqlarning uchlari jonivorlar dumining shaklida boʻlib, ularning yordamida istalgan shisha butilkaning ogʻzini yopib qoʻyish mumkin.

Bu tova elektrda ishlaydi hamda quymoqlarning yomshoq va ideal shaklda pishishini taʼminlaydi.

Bu moslama steplerga oʻxshab ketadi va bir necha soniya ichida paketlarning ogʻzini jipslab yopib qoʻyadi hamda mahsulotlarning germetik qadoqlanishini taʼminlaydi.

Plastik idish shaklidagi moslama ichida choʻtkasi bilan oshxonadagi ovqat qoldigʻi tushga asboblar va yuzalarni tozalash uchun moʻljallangan.

Bu qulaygina taxtakachlar pazl shaklida ishlangan boʻlib, ularni alohida ham, yaxlit bitta katta taxtakach sifatida ham ishlatish mumkin.

Uncha katta boʻlmagan plastik qolip kabobni tayyorlash uchun yaxshigina moslamadir. Bu yangi qolip goʻshtni bir shaklga keltirib, uni osongina kesish va sixdaligida marinadlash uchun moʻljallangan va kabobni pishirishga tayyorlaydi.