Nemischa sifat va tezkorlik: ular 3 qavatli uyni atigi 4 kunda qurib bitkazdilar!

Atroflicha oʻylab chiqilganidan soʻng, ular oʻz tanlovlari borasila germaniyalik qurilish kompaniyasida toʻhtatdilar va bu borada zarracha ham adashmadilar. Natijada, atigi 4 kunning ichida ular oʻz mulkiga qoʻshimcha ravishda 3 qavatli, salobatli alohida uyga ega boʻlib qoldilar.

Yaqin vaqtlargacha Kuperlar Londonda yashagan edilar. Biroq, Angliyaning Bribport shahriga birgalikdagi safaridan soʻng ularda shu yerda doimiy yashash uchun qolishga nisbatan kuchli istak paydo boʻldi. Koʻchib oʻtishga qaror qilganlaridan keyin esa ular yer sotib oldilar va uy qurilishini rejalashtirdilar.

Oxir-oqibat ushbu vazifani amalga oshirish uchun yigʻma uylarni ishlab chiqarishga ixtisoslashgan, nemis "ildiz"lariga ega boʻlgan Flat Pack kompaniyasi tanlandi.

Kuperlar qurilajak uyning detallarini kompaniya mutaxassislari bilan maslaxatlashib, barcha, xatto ahamiyati kam boʻlgan ikir-chikirlari toʻgʻrisida ham kelishib oldilar. Uyning barcha detallari Bavariyada joylashgan fabrikada tayyorlanib, keyin Buyuk Britaniyaga yetkazib berildi.

Shunisi qiziqki, yigʻma uylar, oʻzining muhtashamligiga qaramay oddiy uylardan koʻra 10-25%ga arzonroqqa tushadi, yigʻish jarayonida esa qurilish chiqindilari umuman boʻlmasligi kuzatiladi. 4 kundan keyin oila oʻzining katta mehmonxonali, sigʻimi keng oshxonasi va 5 yotoqxonasiga ega boʻlgan uch qavatli uyiga kirib yashay boshladi.