Dunyodagi eng mashhur bolakay

Qirolicha Yelizaveta II ning chevarasi, Kembridj gersogi va gersoginyasining toʻngʻich farzandi Jorjni dunyodagi eng mashhur bolakay deya atashlari bejizga emas.

U tugʻilguniga qadar mana shu nomga munosib koʻrilgan edi. Bugungi kunda esa oʻzining singilisi Sharlotta va kichkintoy ukasi Luining katta akasiga aylangan. Uning tugʻilgan kuni munosabati bilan Kensington saroyida yangi rasmiy portretlari eʼlon qilib boriladi. 

Jorj 2013 yilning 22 iyulida Londondagi Avliyo Mariya shifoxonasida dunyoga kelgan. Aynan mana shu yorda uning otasi shahzoda Uilyam, amakisi shahzoda Garrilar ham dunyo yuzini koʻrgandilar.

Bolakayning toʻliq ismi - Jordj Aleksandr Lui. 

Anʼanalarga qarshi tarzda, u Bukingem saroyida emas, Sent-Jeyms qirollik ibodatxonasida choʻqintirilgan.

Jorj taxtga oʻzining bobosi shahzoda Charlz, otasi Uilyamdan keyingi uchinchi daʼvogar hisoblanadi.  

Agar bolakay qirol boʻlsa, Jorjni Georg VII, deb ataydilar.

Mittivoy shahzodaning eng sevimli kitobi - “Oʻt oʻchiruvchi Sem”dir. 

Jorj samolyot va vertolyotlarni juda yaxshi koʻradi. Aytishlaricha,  kelajakda uchuvchi boʻlishni orzu qilar emish.

Jorj aksariyat hollarda oilaning boshqa farzandlari bilan ota-onasining safarlariga xamrohlik qiladi.