Derazasiz xonani qanday qilib yorqin qilish mumkin? Bu borada interyer mutaxassislarining maslahatlari

Derazasiz xonada hamma narsa tabiiy yorugʻlikning yetishmasligini qoplashi kerak: gilamchadan tortib naqshlargacha. Avvalo, keng sirtlarga eʼtibor bering. Xonadagi barcha devorlarni faqat issiq ranglarda boʻyang: oq, toʻq sariq, qaymoqrang va boshqalarga. Och rangdagi mebellarni tanlang, chunki qorongʻi ranglar xonaga zulmat va qorongʻulik beradi. Xonani ravshanroq qilish uchun stullar va kreslolarning qoplamasi, shuningdek, boshqa yuzalardagi chizmalar mos ravishda jonli va rang-barang ekanligiga ishonch hosil qiling. Xona (linolyum,gilam, plitkalar) umumiy yorqin ansamblga mos kelishi kerak.

Devorlar, sirtlarga jonli ranglar va naqshlarni qorongʻu soyalar hamda yorugʻ ohanglarini birlashtirish orqali kontrast hosil qiling. Masalan, qorongʻi qirralar shiftning iliq rangini juda yaxshi koʻrsatib beradi yoki qorongʻi mebel korpusi yorqin qoplamali boʻlishi yorqinlikni baxsh etadi. 

Derazasiz xona uchun yorugʻlik manbalarini tanlashda, shift yoritgichlari va qandillar osib qoʻyishdan saqlaning - ular vizual ravishda qoʻshimcha joy egallab, xonani tor qilib koʻrsatadi. Bunday xonalar uchun shiftga oʻrnatilgan chiroqlar eng mos keladi. Xonani yanada yorqinroq qilish uchun xonaga qoʻshimcha yoritish moslamalarini joylashtiring: zamin yoritgichlari, skonks, stol chiroqlari. Odatiy lyuminestsent lampalarni emas, balki quyosh nurini taqlid qiladigan toʻliq spektrdan foydalaning.

Bundan tashqari, interer dizaynerlari derazasiz xonalarda boʻsh joyni kengaytirishni maslahat berishadi. Quyosh nurini talab qilmaydigan oʻsimliklarni bunday xonalarga joylashtirish hona havosini yaxshilashga  yordam beradi. Qolganlari barchasi esa sizning uslubingiz va tasavvuringizga bogʻliq, bu sizga kerakli shinamlik va qulaylikni yaratishga yordam beradi.