Tashrif buyurishga arziydigan eng gʻaroyib xonalar

Avstriyalik rassom Piter Kogler keng miqyosda aqlbovar qilmaydigan narsalarni yaratish uchun sanʼat, musiqa va videodan foydalanadi.

Yaqinda Xorvatiyadagi Zamonaviy sanʼat muzeyida boʻlib oʻtgan koʻrgazmada rassom oddiy xonani odamlar vaqt va makonda adashadiganjoyga aylantirish uchun devorlarni, shiftni va polni har xil burama quvurlar bilan toʻldirdi.

Yaponiyalik rassom Yayoi Kusama qiziqarli loyihani amalga oshirib, tashrif buyuruvchilarga butunlay oq rangdagi xonani minglab rangli stikerlar bilan toʻldirish imkonini berdi. Oq devorlari, jihozlari va bezaklari bilan "Obliteratsiya xonasi" deb nomlangan kabinet asta-sekin rang bilan toʻldirilib, dastlabki koʻrinishini oʻzgartirdi.

Afsuski, xona 2011 yilda taqdim etilgani bois, endi uni oʻz koʻzingiz bilan koʻrishingiz mumkin emas, lekin siz ushbu rassomning boshqa installyatsiyalarini koʻra olasiz.

87 yoshli yaponiyalik rassom Yayoi Kusamaning "Cheksiz koʻzgular xonasi - millionlab yorugʻlikdagi ruhlar" deb nomlangan yana bir ishi "toʻxtagan va abadiy davom etadigan" ikki tomonlama vaqt tuygʻusini uygʻotadi.

Xona ommada shunchalik qiziqish uygʻotgan ediki, qiziquvchilar Nyu-Yorkdagi muzeyda uzun navbatlar kutib turishar va mehmonlarga xonada faqat 40 soniya boʻlish huquqi berilgan edi.

Nafaqat rassomlar, balki olimlar va muhandislar ham eng gʻaroyib xonalarni qanday yaratishni bilishadi. Bunday xonaga shovqinsiz honani misol qilish mumkin. Ularda tovush toʻlqinlari tekshirilib, ularni har qanday tashqi taʼsirlardan ajratib turadi. Bular juda sokin xonalar, shu qadar tinchki, agar siz biron birida vaqt oʻtkazsangiz, aqldan ozishingiz hech gap emas.

Dunyodagi eng sokin xona AQShning Minneapolisidagi Orfield Laboratoriya xonasi hisoblanadi. Devorlar shu qadar tovushni singdiradiki, ichki organlaringiz ishlayotganini eshitasiz. Ushbu xonada bir oz sukutda oʻtirishingiz mumkin. Biroq, odamning kamerada ushlab turishi mumkin boʻlgan eng uzoq vaqt atigi 45 daqiqani tashkil qiladi.

Koʻpchilik Van Gogning u yoki bu asarini qaysidar darajada taniydi. Qanday qilib muzeylar ushbu rassomning ishi bilan tanish boʻlganlarning eʼtiborini yanada koʻproq jalb qilishi mumkin? “Van Gogning jonlangan chizgilari” koʻrgazmasi dahoning taniqli asarlarini butunlay boshqacha koʻrinishda koʻrish imkonini beradi.

Dasturlar, ulkan ekranlar va atrofdagi tovushlar yordamida tomoshabinlar Van Gog oʻz asarlarini yozayotganda qanday his-tuygʻularni his qilganini tuyish imkoniyatiga ega, chunki uning hayoti koʻplab burilishlar bilan toʻlgan.