Dunyodagi eng gʻalati harbiy kiyimlar

Har bir mamlakatda harbiylarning bayram kiyimlari turlicha. Kundalik harbiy kiyim bilan bayram formalarining bir-biridan qanchalik farq qilishi sizni ajablantirishi mumkin. Dizaynerlar bor iqtidorlarini ishga solib, haqiqiy moʻjiza yaratadilar hamda harbiylar bayram paradida chiroyli va shu bilan birga haybatli koʻrinishga ega boʻlishlarini taʼminlaydilar. Biroq turli davlatlarning dizaynerlari tomonidan yaratilgan harbiy bayram liboslari orasida bizga gʻalati tuyulishi mumkin boʻlganlari ham yoʻq emas. Keling, ular bilan birma-bir tanishib chiqamiz.

Agarda siz kelajak haqidagi kompyuter oʻyinini oʻynagan boʻlsangiz, u yerdagi harbiylarning kiyimini ham koʻrgan boʻlishingiz kerak. Boliviya armiyasining askarlari aynan ana shunday kiyim kiyishadi.

Hayron boʻlayapsizmi? Ha, shu kichkinagina davalatning ham oʻz armiyasi bor (Shvetsariya armiyasining yollanma korpusi). Lekin eng qizigʻi bu emas – harbiylar formasining dizayni toʻrt asr avval Mikelandjelo tarafidan yaratilgan.

Yunon askarlari paradda qanday qadam tashlayotganlariga diqqat bilan razm soling. Ularning oyoq kiyimlarining popuklari bor. Askar har qadam tashlayotganida popukchalar ham likillab turadi.

Hind askarlarining harbiy bayram kiyimlari ham oʻziga xosligi bilan ajralib turadi. Haddan tashqari koʻp ranglar, boshga qoʻndirilgan yelpigʻich va popiltiriqlar. Shuning uchun ham bu formani oddiy , deb boʻlmaydi.

Ha, Eron armiyasi askarlarining bayram liboslari ana shunday koʻrinishga ega. Bunday libos kiygan askarning yuzini koʻraman, deb xomtama boʻlmang, buning aslo ilojisi yoʻq.

Harbiylarning libosi boʻyicha eng kuchli taassurot uygʻotadigan forma ana shu. Italiyalik harbiyni koʻrishingiz bilanoq uni duelga chorlashni xohlab qolasiz.

Livanlik harbiylarni tariflar ekanmiz, kinologlar va ularning sodiq shogirdlari haqida toʻxtalib oʻtamiz. Bu kasb egalari yaxshigina tayyorlangan itlar bilan birgalikda xizmatlarini oʻtaydilar, shuning uchun ham ularning yonlarida maxsus kiyimlarda yurishlari darkor. 

Taʼrifga til ojiz. Bu jasur askarlarning bosh kiyimlari nimadan tayyorlangan? Nima ekan-a bu? Shirin paxtami yoki kokosmi? Tushunarsiz, lekin juda qiziq.

Yubka kiygan soldatlar. Juda gʻalati-ku. Askarlari yubka kiygan armiya haybatli boʻla oladimi? Bosh qoʻmondoni baletka kiyishi-chi? Bunga nima deysiz?

Shoshma, askarmi bular yoki oshpaz yo somsapazmi? Boʻlishi mumkin emas. Bular haqiqiy askarlar. Biroq bu askarlarga qarab, oshmi, bulochkami pishirgan degan oʻyga tolasan.

Koreyalik dizaynerlar esa klassik uslubdan chetga chiqmadilar. Bunday kiyimdagi askarlar haqiqatdan ham haybatli koʻrinadilar.

Turli mamlakatdagi harbiylarining bayram kiyimlari juda gʻalati ekan. Biroq hech narsaga qaramay, forma qanday boʻlishidan qatʼiy nazar, har bir davlatning armiyasi oʻz obroʻsiga, haybatiga ega.