Dunyodagi eng yaxshi va eng antiqa ofislar

Tasavvur qiling, siz Madridda joylashgan Selgas Cano arxitektura firmasida ishlaysiz. Bu nimani anglatishini bilasizmi? Bu shuni anglatadiki, siz hujjatlarni quyosh nurlaridan pana boʻlib turgan daraxtlar soyasida, tabiatning toza atmosferasidan zavq olgan holda tayyorlaysiz.

Xose Selgas va Lucia Cano oʻz kompaniyasi uchun pleksiglas, plastik oyna  va polyester asosidagi materiallardan foydalangan holda noyob ofis yaratdilar. Ish sizni tabiat bilan aloqa qilishdan ajratib qoʻyishi kerak emas, aksincha tabiat va tabiiy yorugʻlik sizning kasbiy faoliyatingizni yaxshilashi darkor.

Uch qavatli, tomi keng ofisda osma zinapoya va hatto sirpanchiq mavjud.

Kompaniya atigi ikki million dollarlik byudjet asosida noyob va individual ish joyini yaratishning eng yaxshi usulini topdi. Natijada, 4366 kvadrat metrli omborda joylashgan ofis, kvadrat metri uchun 40 dollarga teng boʻldi. Va bu odatdagidan yarim baravar arzonroq tushgan.

Ikki ishchi va ikkita stolni oʻz ichiga olgan ushbu "qatlanadigan" ofis standart ofis maydonlarining sanoat muhitidan bir qadam narida joylashgan.

Ularning xilma-xilligini inobatga olgan holda, bunday “qatlanadigan ofislar" har qanday joyga, masalan, oʻrmon markaziga ham qoʻyilishi mumkin. Ushbu moʻjizani Devid Ayas-Adekanl Innovation Imperative uchun yaratgan. Narxlar unchalik baland emas, ammo ishlatilgan zamonaviy materiallar va qurilishning amaliy usullarini inobatga olsak, maqsadga muvofiq boʻladi.

Ushbu roʻyxatda Googlening idorasi borligiga hech kim ajablanmasa ham boʻladi. Boisi bu kompaniyani ofis uslubida tendentsiya qiluvchi deb atash mumkin. Syurixdagi Googlening ofisi tushlik paytida konferentsiya oʻtkazish uchun juda ajoyib joy!

Syurixdagi Google ishchilari shaxsiy ish maskanlarini kreativ gʻoyalar ulashuvchi narsalar bilan birlashtirishni xohlashdi.Shunday qilib, ular bunga erishgan koʻrinishadi!