Avstraliyaning diqqatga sazovor ekstremal joyi Crocosaurus Cove

Crocosaurus Cove - 100 ga yaqin timsoh, 40 ta toshbaqa, shuningdek, turli xil baliqlardan iborat qoʻriqxonadir.

Crokosaurus Cove dunyodagi eng katta Avstraliya sudralib yuruvchilari va timsohlarining uyidir. Ushbu timsoh sudralib yuruvchilarning qiroli sanaladi. Agar bunday timsoh odamga hujum qilsa, qolganlar faqat oʻljasini sudrab borishini kuzatishi mumkin. Bunday vaziyatda hech narsa qilishning imkoni yoʻq.

Crokosaurus Covening bogʻida siz shunchaki sayr qilib, sudralib yuruvchilar va baliqlarni koʻrishingiz yoki boʻlmasa “qafas”da qanchalik ekstremal elanligingizni sinab koʻrishingiz mumkin. Bu makon Avstraliyadagi eng yirik suv attraktsionlaridan biridir.

Taxminan besh metr uzunlikdagi timsohga ega boʻlgan nisbatan kichik hovuzda ular uch metrli "shisha xonacha" ogʻir vaznli oynali kabina tushirishadi. Ichida esa qiziquvchan sayyohlar boʻladi. Ushbu shishali kapsula mutlaqo havfsizdir. Bundan tashqari, har bir tashrif buyuruvchi shoʻngʻishdan oldin xavfsizlik qoidalari bilan tanishib chiqishadi.

Timsohlar bilan uchrashuv davomiyligi 15 daqiqadan oshmaydi. Baxtsiz hodisalarning oldini olish uchun tashkilotchilar temir panjara bilan temir qafaslardan voz kechishdi, shisha idishlarni eng havsiz deya sanashdi. 

Sayyohlar suvga tushirilganda  timsohlar bilan yuzma-yuz turishadi. Timsohlar, shubhasiz, oʻzini tabiiy tutadi yaʼni sizga dushman deb emas yegulik deya qaraydi. Buni ularning hatti-harakatlaridan sezishingiz ham mumkin. Bu yer bugungi kunning eng diqqatga sazovor ekstremal joyi hisoblanadi. Ushbu ekstremal joyga mahalliy aholi ham koʻp sonli sayyohlar ham tashrif buyurishgan va buyurib kelishmoqda.