Asr toʻyi: Shahzoda Garri oʻz malikasini aktrisa Megan Markl timsolida topdi!

Qadimiy Rolls Royce Phanton IV mashinasida onasi bilan cherkov qarshisiga tashrif buyurgan Megan pastga tushganidan keyin barchani goʻzalligi bilan sehrlab oldi. Oppoq libos haqiqatan betakror edi. 

Uning toʻy koʻylagi Givenchy modalar uyi dizayneri Kler Ueyt Keller tomonidan yaratildi. Ushbu brend joziba va uslub timsoli sanaladi. U koʻp asrlik klassik bichimlarga sodiq qolgan holatda koʻpchilik mashhur insonlar – Odri Xepberndan tortib Kim Kardashyanning garderobigacha zabt etgan. 

Megan Keller bilan 2018 yilning boshlarida tanishtirib qolgan: kelinchak jozibador liboslardan iborat garderob yaratishi kerak edi. Kundalik  liboslar boʻyicha hamkorlik toʻy koʻylagini yaratish gʻoyasiga ham olib keldi. 

Kler Ueyt Keller Megan uchun toʻy koʻylari yaratar ekan uning barcha istaklarini hisobga oldi: kelin libosning yelka chiziqlari aniq koʻrinib turishi, uzun englar bilaksohasidan boʻlishi va zamonaviylikka ham urgʻu berib turishini istagandi.Bu eskirmaydigan minimalistik jozibadorlik timsoli ham edi

“Men uchun Megan Markl bilan bunday ajoyib hodisa yuzasidan hamkorlik qilish sharafli ish boʻldi. Biz birgalikda tarixga aylanuvchi libos yarata oldik” deydi Keller.

Hisob-kitoblarga koʻra nikoh koʻylagi narxi 100 000 funtni tashkil qilgan. Koʻylak uchun pulni Meganning oʻzi toʻlagan. Bir paytlar gertsoginya Keyt ham oʻz libosiga oʻzi pul toʻlagan edi. 

Libosning 5 metrlik fatasi ayniqsa diqqatga sazovor boʻlib, unga qoʻl mehnati bilan floristik kompozitsiya tikilgan. Undagi har bir gul Hamdoʻstlikning 53 ta mamlakatini anglatib beradi. Matoni va iplarni toza holatda saqlash uchun libosni tikayotgan chevarlardan har 30 daqiqada qoʻllarini yuvish talab qilingan. 

Megan azaldan nafis taqinchoqlarni xush koʻradi va toʻy kuni ham oʻz odatiga qarshi borgani yoʻq. Uning betakror ziraklari Cartierga tegishli boʻlib, tiarasi 1932 yilgi qirollik kolleksiyasidan olingan. Ushbu olmos tiara qirolicha Meriga tegishli boʻlgan va uni Britaniyaning Garrard zargarlik uyiga buyurtma qilgan. 

Garri suyuklisining barmogʻida uzuk taqish borasida ham anʼanalarga sodiq qolgan holatda ish koʻrdi. Uning uzugi Uilyamga buvisi tomonidan 2011 yildagi toʻy munosabati bilan taqdim qilingan oltin boʻlagidan boʻlib, ingichka tilla tasmani aks ettiradi. 

Toʻy chogʻida shahzoda Garri rafiqasiga tayyorgarlik jarayonida jasorat bilan harakat qilganini aytib oʻtar ekan unga qarata “Biz sen bilan ajoyib guruhmiz va qolgan umrimizni birgalikda oʻtkazishimiz qanday yaxshi” deya xursandchiligini bildirib oʻtdi. 

Har bir toʻyda boʻlgani kabi qirollik xonadonining toʻyi ham janjalsiz boʻlmadi va uni mashhur yulduz Jorj Kluni boshlab berdi. Tantanaga mehmon sifatida kelgan Jorj bir muddat tashqariga chiqib telefon orqali gaplashganidan keyin uni binoga qayta qoʻyishmadi. Shundau atrofdagilarga qarata “Mening kimligimni bilmaysizlarmi?” deya gʻazabini sochdi. Hayriyatki, uning yoniga rafiqasi Amal Kluni kelib aktyorni tinchlantirdi va vaziyatni silliqqina hal qildi. Uning tajribali advokat ekanligi shu paytda ham ish berdi. 

Megan Marklning guldastasi uchun florist Filippa Kreddok javobgar edi, u kelinning istaklarini hisobga olish bilan birga qirollik anʼanalarini ham oʻylab ish tutdi. Ulardan biriga koʻra qirolicha Viktoriya davridan berib oila kelinchaklari guldastasi tarkibida albatta “Muhabbat oʻsimligi” – mirta boʻlishi kerak. Ammo mirta boʻlganda ham oddiysi emas, balki 170 yil avval Viktoriya oʻz bogʻida ekkan buta gullaridan!

Bundan tashqari kelin oʻz guldastasini turmushga chiqmagan dugonalariga taqdim qila olmadi.Megan uni nomaʼlum askar qabriga qoʻyishi kerak boʻldi. Ushbu anʼana 1923yildan qirol Georg VI paytidan qolgan.  

Marosim London vaqti bilan  Vindzordagi Avliyo Georgiycherkovida boshlandi. Uni arxiepiskop Jastin Uelbi olib bordi. Garri va Megan marosimdan keyin karetaga oʻtirib, Vindzorni kezdilar. Ular Castle Hill darvozasidan boshlab High Street koʻchasidan Windsor Townni sayr qilib chiqishdi.Keyin ular uchun  St George's Hallda “yopiq” bazm uyushtirildi va bu yerga ularning yaqinlarigina tashrif buyurishdi. 

Megan va Garri nikohdan oʻtayotgan paytda binoda Charlz Uesli tomonidan yozilgan toʻy gimni –Love Divine, All Loves Excelling musiqalari yangradi. Ushbu gimn shahzoda Uilyamva Keyt Middlton, Zara va Piter Fillips, shahzoda Charlz va gertsoginya Kamillalarning ham toʻylarida ijro qilingan edi. 

Toʻydan keyingi bazmga kelin-kuyovning yaqinlarigina tashrif buyurdilar. Ular orasida shahzoda Uilyam va Keyt Middlton, shahzoda Endryu qizlari  – malika Yevgeniya va Beatrislar bilan, shahzoda Edvard va malika Sofiya, Meganning onasi Doriya Regland, kelinning eng yaqin dugonalari boʻlmish – Serena Uilyams va Priyanka Chopra, Jorj va Amal Klunilar tashrif buyurishdi.

Bazm payti yangi juftlik Uitni Xyustonning I Wanna Dance With Somebody taronasiga raqs tushdilar. Ushbu raqs maydoni bazm tugaguniga qadar tinchimadi. Aytishlaricha, tinib-tinchimagan Jorj Kluni bazm payti qirollik oilasining har ikki kelini –Keyt Middlton va Megan Markllar bilan raqs tushib ham ulgurgan. 

Toʻy ishtirokchilari orasida alohida ajralib turgan inson Gertsoginya Ketrin boʻldi. U toʻyda 3 farzandini dunyoga keltirganidan keyin ilk marta koʻrinish berdi va tantanada toʻngʻich farzandlari bilan ishtirok etdi.