Bolalikdan qolgan jarohat: Yuragingiz tubida nimalar bor ekanligini aniqlaymiz!
Bolalikdan qolgan jarohat: Yuragingiz tubida nimalar bor ekanligini aniqlaymiz!
Aksariyat ruhshunoslarning aytishlaricha, hayotimiz, turmush tarzimiz, ishimizdagi aksariyat muammolarning sababi bolalik vaqtlariga borib taqaladi. Bolalikda qalbingizga yetkazilgan jarohat, ruhiy o‘zgarishlar, komplekslar, havotir, o‘ziga ishonmaslik kabi tushunchalar butun umringiz davomida sizni ta’qib qilishi mumkin.

Bugungi kundagi ruhiy holatingizga bolalik onlaringizdagi aynan qaysi vaqt va hodisa ko‘proq ta’sir qilganini bilmoqchi bo‘lsangiz, ushbu testni sinab ko‘rishga aslo erinmang.

Mazkur suratga nazar tashlang va ayni vaqtdagi holatingizga suratlarning qaysi biri ko‘proq mos kelishi haqida o‘ylab ko‘ring.

Birinchi surat

Ushbu tanlov bolalikda yaqinlaringiz tomonidan sizga yetarlicha mehr ko‘rsatilmagani haqida anglatadi. Hamisha ular tomonidan maqtov hamda e’tirofga sazovor bo‘lishni istab kelgansiz, ammo bu talabingiz hech qachon qondirilmagan. Oqibatda yoshingiz ulg‘aysa ham o‘zingizga bo‘lgan ishonch pastligicha qolavergan. Sizni har qanday tanqid va salbiy gap qattiq qo‘rquvga soladi. Rad javobini olishdan qo‘rqqaningiz sababli yaqinlaringizga ham biror iltimos bilan murojaat qila olmaymiz. Shu sababli barcha dardlaringizni ichingizga yutasiz va hayotingizga yanada ko‘proq muammolarni jalb qilib olasiz.

Maslahat:

Tanqidni to‘g‘ri qabul qilishga o‘rganing, ana shunda hayot zarbalari siz tasavvur qilganchalik og‘ir emasligini ham tushunib yetasiz.

Ikkinchi surat

Bolalikda atrofingizdagilar sizni odamlarga ishonmaslik uchun majbur qilishgan. Shu sababli ham insonlarga bo‘lgan ishonch hissi pasayib ketgan. Bu narsa siz istagan o‘yinchoqni olib bermaganlari bilan bog‘liq holat emas, albatta. Hotirangiz qa’ridagi ushbu jarohat anchagina jiddiyroq ekani aniq. Urinishlaringiz hech qanday natija bermagan, odamlar ustingizdan kulishlaridan qattiq qo‘rqqansiz. Oqibatda yaqinlaringizga bo‘lgan ishonch hissi ham asta-sekin sizni tark etgan.

Maslahat:

Yaqinlaringiz bilan haddan tashqari uzoqlashmaslikka harakat qiling. His-tuyg‘ularingizni boshqalardan berkitish orqali o‘zingizga azob bera ko‘rmang.

Uchinchi surat

Balki bolalik vaqtlaridanoq ota-onangiz tomonidan sizga yetarlicha ishonch bildirilmagan, sinfdoshlaringiz doimiy ravishda sizni masxara qilib kelishgandir. Shu sababli ham maqtov va e’tirofsiz yashashga butunlay o‘rganib qolgansiz. Mukammallik ortidan quvasiz, barchaga o‘zingizning qanchalar oliyjanob ekanligingizni isbotlash uchun kuch sarflaysiz.

Maslahat:

Boshqalarga yoqish uchun umringizni bekorga sarf etmang. Ba’zan xudbinroq bo‘lish ham aslo zarar qilmaydi. Bag‘rikengligingizdan o‘z maqsadi yo‘lida foydalanmoqchi bo‘lgan kimsalar ko‘p ekanligini unutmang.

To‘rtinchi surat

Bolalikda yaqin insoningizdan ayrilgancha judaqattiq zarbaga duchor bo‘lgansiz. Shu sababli navbatdagi yo‘qotishlar qo‘rquvi sizga baxtli yashash uchun imkon bermay keladi. Ba’zan sevgan insoningizni yo‘qotib qo‘yish qo‘rquvi haddan tashqari xudbinlikka sabab bo‘lishi mumkin. 

Maslahat:

Ertani o‘ylayvermay, bugungi kun bilan yashashni o‘rganing. Hayolingizdagi yomon narsalarni tashqariga chiqarib tashlang. Hayotning har onidan zavq olishni biling.

Ваша реакция?

Сообщения из Facebook