Ayollar garderobi: Ofis uslubidagi eng ommabop xatolar

Bel qismi haddan tashqari pastda boʻlgan shim.

Bunday bichimdagi shim juda hunuk koʻrinadi va bunday shimda oʻzingizni erkin his eta olmaysiz.

Ofis uslubi uchun bel qismi yuqorida boʻlgan shim tanlang. Bu kabi libos bilan oʻzingizni qulay his qilishingiz aniq.

Kalta nimcha hamda kostyumlar

Ushbu kiyim turi urfdan biroz chiqqan desak adashmagan boʻlamiz. Garchi, odamlar orasida uning klassika ekanligi haqidagi fikr mavjud boʻlsa ham, obrazingizni kalta nimchalar bilan toʻldirishga shoshilmang.

Ofis uchun tanlangan nimcha yoki kostyumni uzunrogʻini tanlaganingiz maʼqul. U toʻgʻri bichimli bleyzerlar bilan ham chiroyli koʻrinish hosil qiladi.

Ofis uslubi uchun kalta yubka tanlash mumkinligini koʻpchilik biladi, albatta. Shu oʻrinda haddan tashqari uzun yubka ham ishbilarmon honim libosiga zarar yetkazadi.

Ofis uslubi uchun tanlangan yubka tizzalarni yopib turishi lozim. Aynan mna shunday uzunlikdagi yubkalar klassika sanaladi va hech qachon urfdan qolmaydi. 

Hech qachon ofis uslubini yaratishda shaffof va harir matodan tikilgan kofta tanlamang. Bu kabi libosni sayr vaqtida kiyish uchun olib qoʻyganingiz maʼqul.

Togʻri bichimli va oʻzingizga yarashib turadigan klassik bluza qiyofaga ulugʻvor koʻrinish baxsh etadi. Bu kabi libosni nafaqat yubka, balki shimlar bilan birgalikda kiyish ham mumkin.

Ofis uchun katta va hajmdor taqinchoqlar notoʻgri tanlov ekanligini deyarli barcha bilsa kerak. Klassik uslubda aksessuarga umuman hojat yoʻq deydiganlar ham adashadi. Meʼyorda did bilan qoʻllanilgan aksessuar imidjni yanada qoyilmaqom qilib koʻrsata oladi.