Xalqimizda “El tegmasa ellik yil turadi”, degan maqol bor. Darhaqiqat, yo’qolgan narsa agar o’g’irlanmagan bo’lsa, vaqt o’tgandan keyin egasiga qaytib keladi va bunga hayotda misollar talaygina. Biz narsamizni yo’qotib qo’yamiz, posa axtarsak ham topa olmaymiz, undan umidimizni ham uzamiz, u esa kutilmagan yerdan kutilmagan holda oyog’imizning ostidan chiqib keladi va bizni hayron qoldiradi. Shuncha payt qidirgan narsamiz shundoqqina yonimizda turgan, biroq “berkinib” olgan ekan.
Biz sizning e’tiboringizga yo’qolgan buyumlarning egalariga ajoyib tarzda qaytib kelganligi haqida ba’zi misollarni keltiramiz.
1.Yo’qolgan kitob
Kitobning yo’qolgan 6-tomini egasi ikki oy axtardi, qidirmagan joyi qolmadi. U esa kitob javonida o’z joyida faqat oyog’i osmondan bo’lib turgan ekan. Qidirayotgan odam ham uni 9- tom deb o’ylab, unga e’tibor bermagan.
2. Muz ostida qolib ketgan mobil telefon
Ushbu mobil telefon egasi uni tushirib qo’ygan va topa olmagan. Bu telefon esa o’z hovlisida tushib qolgan va muz ostida qolib ketgan. Uch oydan keyin topilgan telefonning quvvati ham o’chmay turgan ekan.
3. Avtomobil ichidagi xazina
Avtomobil egalari mashina o’rindig’ini ko’tarib ko’rganlarida naq “xazina” ga duch keldilar. O’rindiqning tagida bir talay chaqa tangalar yig’ilib yotgan ekan.
4. Tilla uzukli hosil
Sabziga “Yer ostida oltin qoziq” degan ta’rif bekorga berilmas ekanda. Bir qariya tomorqada sabzi kavlab olib, bir necha yil oldin yo’qolgan tilla nikoh uzugini topib oldi. U sabzi bilan birga yer ostidan chiqib keldi.
Сообщения из Facebook