“Muhtasham yuz yil” serialining “Turkiya go’zali” unvoniga ega bo’lgan aktrisalari

Hande Subashi

Bu aktrisaga serialda uncha ahamiyatli bo’lmagan rol nasib etgan, u Bali boyning sevgilisi rolini o’ynagan.

Hande 2005 yilda go’zallik tanlovida g’olib bo’lib, “Turkiya go’zali 2005” unvonini qo’lga kiritgan. 

“Muhtasham yuz yil”dan tashqari aktrisa “Tirilish. Ertug’rul” serialida suratga tushgan hamda “Propaganda” filmida bosh rolni o’ynagan.

Nabahat Chahre

“Muhtasham yuz yil” serialida volida sulton xonim rolini qoyilmaqmaqom ijro etgan aktrisa go’zalligi bilan muxlislarni maftun etgan.

Aristokratik ko’rinish, xushbichim qomat, qirolichalarga xos qadam bosish, o’tkir nigoh – aktrisa haqiqiy sulton xonim obrazini yarata oldi.

Nabahat 1960 yilda go’zallik tanlovida g’olib bo’lib, “Turkiya go’zali 1960” unvoni sohibasiga aylangan.

Hulya Avshar

Aktrisaga obro’-e’tiborli, o’ktam, yovuz va dono sulton xonim obrazi juda mos tushdi.

Jozibador Hulya “Turkiya go’zali 1983” unvoni sohibasi bo’lgan.

Go’zallik tanlovlarida ishtirok etgan “Muhtasham yuz yil” serialining yana boshqa aktrisalari:

Jansu Dere (Feruza xotun)

“Vize miss Turkiya-2000”

Ozgu Ayubo’glu (Aybige xotun)

“Vize miss Turkiya-2001”

Ozge Ulusoy (Anna Yagellonka)

“Turkiya go’zali 2003” tanlovining ikkinchi o’rin sohibasi.

“Muhtasham yuz yil” serialining bunday mashhurlikka erishishining sabablaridan yana biri ana shu go’zal ayollarning ishtiroki bo’lsa, ne ajab.