Bir qarashda oddiygina, kichik uy. Lekin ichiga kirsangiz... Qoyil!

Lekin quyidagi hikoyamiz juda noyob.  Unga qarasangiz bas,  o'zingiz hammasini tushunib olasiz. 

Gap shundaki, bu mitti uyning umumiy maydoni atigi 16 m² ni tashkil qiladi, unda 3 kishidan tashkil topgan oila va hatto bitta kuchuk ham istiqomat qiladi.

Kimdir bu uyda inson normal hayot kechira olmaydi deb o'ylaydi. Lekin uyning ichiga qaramasdan xulosa qilishga shoshilmang!

Bu mikrouyda hamma narsa: hammom, oshxona, mehmonxona, yotoqxona, balkon va hattoki kichik omborxona ham bor. 

Uy, shubxasiz, ajoyib! Shaxsan men xuddi shunday kamxarajat uylarning tarafdoriman, lekin shunday savol tug'iladi:  nega endi bu oila bunday sharoitda yashashga qaror qildi?

Belarussiyalik Oskirolar oilasi Minskda o'zi va bolalari uchun uy qurishni boshladi.  Qurilish jarayonida ular ijaraga uyda yashashdi, bu ularga katta pulga tushdi. Har gal shahar markazidan shahar chekkasiga borish uchun esa ko'p benzin ishlatishga to'g'ri kelardi. 

Shuning uchun ham ular asosiy uyga yaqin joyda vaqtinchalik yashab turishga kichik uy qurishga qaror qilishadi.

Yangi uy ularga 4600$ ga tushdi, endi ular ijara uy bilan solishtirganda oyiga 500$ dan tejab qolishadi. Va shuni ham hisobga olish kerakki, kommunal to'lovlar ham juda past.

Oilani uyning kichikligi umuman havotirga solmaydi. Aksincha, ular bu yerda o'zlarini qulay his qilishadi.