Hindiston haqida ko'pchilik bilgan va bilmagan ma'lumotlar

Oydin

автор

опубликовано 4 года назад — обновлено в 1 секунду назад

8,699
просмотров

Hozirgi vaqtda Hindiston aholisi 1 milliard 300 million kishidan oshadi, bu ko'rsatkich Xitoydan keyin ikkinchi o'rinda turadi. So'nggi o'n yilliklarda Hindistonda shahar aholisi ko'payib borayotganiga qaramay, hindlarning qariyb 70 foizi qishloq joylarda istiqomat qiladi. So'nggi 100 yil ichida Hindiston aholisi 6 baravar ko'paydi. Faqatgina Uttar-Pradesh shtatining o’zida 200 milliondan ortiq aholi istiqomat qiladi.

Mamlakat aholisining qariyb 40 foizi vegetarianlardir. Hinduizm go'shtdan foydalanishni taqiqlamasa ham, oziq-ovqatda me'yorga rioya qilish tavsiya etiladi.

Sigir hindlar uchun muqaddas hayvon sanaladi, ular ushbu hayvonga katta hurmat bilan qarashadi. Shu bois hatto katta shaharlarning ko'chalarida sigirlar bemalol yurishadi va Hindistonning ba'zi shtatlarida hatto sigirni o'ldirgan insonni qamoqqa olishlari ham mumkin.

Hindistonning eng yirik shaharlari - Mumbay (1995 yilgacha - Bombey) va Dehli. Mumbayda aholi zichligi 1 kvadrat kilometrga 20 ming kishidan oshadi. Shu bilan birga, shaharda erkaklar ayollarga qaraganda ancha ko'p. Bunga sabab u yerga ishlash maqsadida turli diyorlardan tashrif buyuruvchilar soni ham ancha ko'p.

Jahon kinomotografiyasida Hindiston muhim ahamiyat kasb etadi, har yili mamlakatda 1000 ga yaqin filmlar ishlab chiqariladi. Sotilgan kino chiptalari soni dunyoning boshqa mamlakatlar bilan solishtirganda 3 milliarddan ko'proqni tashkil qiladi. Har bir hind filmida o'rtacha hisobda 5-6 ta qo'shiq yangraydi.

Hindistondagi eng mashhur sport turi kriket sanaladi. Ushbu mamlakatning milliy terma jamoasi 1983 yilda jahon chempioni bo'ldi. Bu yerda kriket inglizlar tufayli paydo bo'ldi, chunki Hindiston ko'p yillar davomida Britaniya mustamlakasi edi. 1900 yildan beri hindistonlik sportchilar Olimpiya o'yinlarida muntazam ishtirok etib kelmoqdalar. Kriket bo'yicha ular juda mohir o'yinchi bo'lib, 8 marotaba oltin medalni qo'lga kiritishgan.

Hind kinosi barcha Bollivud deb ataydi, aslida u Hindistondagi kino kompaniyalaridan biri hisoblanadi. Hind kinosi yurakni hayajonlantiradigan hikoyalarga boy, hatto Santa Barbara uning oldida biroz oqsaydi, qo'shiqlar va raqslarga boy, hamisha yaxshilik yomonlik ustidan g'alaba qozonadi. Hindistonda har yili ichki bozor uchun 1000 dan ortiq filmlar tayyorlanadi, ularning to'plamlari milliardlab dollarni tashkil etadi.

Hindiston aholisining atigi uchdan ikki qismi o'qishi va yozishi mumkin. Bundan tashqari, ayollar orasida savodxonlik darajasi atigi 45 foizni tashkil etadi. Shunga qaramay, mamlakatda 500 dan ortiq oliy o'quv yurtlari mavjud va ularning aksariyati ta'lim sifati bo'yicha Evropa universitetlaridan kam emas. Ammo hamma ham o'qish uchun pul (yiliga taxminan 15000 dollar) to'lay olmaydi.