Malakali dietologlarni tanlab parxez qilish mumkin, ammo barchasi uchun pul va vaqt yetishmaydi. Shunday ekan , shaxsiy, o’ziga hos parxezni qanday tashkil etsa bo’ladi? Buning uchun hiyla kerak emas, parxez shart emas, faqatgina to’g’ri ovqatlanish tartibiga rioya etsangiz bas.
Parxez tutish uchun kuchli sabab kerak. Istalgan natijaga erishish uchun esa anchagina vaqt zarur. Harakatga keltirgan sabab muhim hisoblanadi. Bu masalan, sog’liqning yomonlashishi yoki semizlikdan uyalish, o’zidan ruhiy qoniqmaslik kabi holatlar bo’lishi mumkin.
Namunali ovqatlanish tartibi – 5 mahal ovqatlanish, sutka davomida 2 litr suv ichish, ohirgi ovqatni uyquga yotishdan 3,5 soat oldin istemol qilish kerak deb hisoblanadi. Kun davomida 5 mahal oz-ozdan ovqatlanish lozim, ammo keskin o’zgarishlar organizmingiz uchun qiyin kechadi. Aksariyat odamlar kun davomida 3 mahal ovqatlanadilar, yengil tamaddiga esa e’tibor qaratavermaydilar.
Agar siz ozishga jiddiy axd qilgan bo’lsangiz, bu ishni boshlashdan oldin parxez kunlarini tuzishingiz kerak. Organizm kam ovqatga o’rganishi uchun unga imkon bering. Parxez kunlarida ko’proq olma yeng yoki sharbat, shakarsiz ko’k choy va gazsiz mineral suv iching.
Keyin ovqatlanish tartibini o’zgartirishingiz mumkin. Ayrim mahsulotladan voz kechib, hech qanday qiyinchiliksiz bir necha kilogrammni osonlik bilan yo’qotish mumkin. Masalan taomnomangizdan fast-fod, yarim fabrikatlar, mayonez, spirtli va gazli ichimliklar, makaron mahsulotlari, shakar, tuz va non mahsulotlarini o’chirib, og’irlikni yo’qotishni boshlang.
Bu mahsulotlar ro’yxati emas, albatta, ammo ayni parhez paytida ularning iste’molini kamaytirgan yaxshi. Agar siz non va makaron mahsulotlaridan voz kecha olmasangiz, ularning dag’al undan tayyorlanganlarini iste’mol qiling. Bug’doy unidan tayyorlangan non foydali. Qora non bo’ladimi yoki oq nonmi – ko’p iste’mol qilish qandli diabet kasalligini keltirib chiqarishi mumkin. Qora va oq nonda kaloriya miqdori deyarli bir hil. Xazm qilinmagan non qonga katta miqdorda shakar chiqarib tashlaydi. Nonning sutkalik me’yori – 120 gr.
Agar siz go’sht mahsulotlarini yoqtirsangiz, ularni qaynatilgan yoki toblab pishirilganini iste’mol qiling. Qovurilganini esa iloji boricha kamroq yeng. Kolbasa sosiska va dudlangan go’sht mahsulotlari dietologlarning hisoblashicha, “o’lik” mahsulot bo’lib, tarkibida katta miqdorda konservant va yog’lar bor.
Mayonezni boshqa mahsulotlar bilan almashtirish kerak. Agar siz salatga mayonez solmoqchi bo'lsangiz, salatni dasturxonga qo’yishingizdan avval soling. Salatlarga zaytun yog’i, so'ya qaylasi va limon sharbati ham qo’shish mumkin.
Aksariyat odamlar desertsiz ovqatlanishmaydi. Ayniqsa ishdan keyin charchoqni yozish maqsadidda choy bilan biron bir shirinlik iste’mol qilishadi. Shuni unutmanki, shakar miya ishini kuchaytiradi, undan to’liq voz kechish ham yaxshi emas.
Shirinliklar bilan o’zingizni kunning birinchi yarmida siylang. Sotib olingan shirinliklar tarkibida shakar ko’p bo’ladi. Shuning uchun ularni uy sharoitida o’zingiz tayyorlang. Ana shunda uning ozuqaviy qiymati va kaloriyasini o’zingiz belgilaysiz.
Turli qo’shimchalar ovqatga yanada mazali ta’m bag’ishlashi mumkin. Shaxsiy parxezingiz oddiy bo’lishi ham kerak emas. Ovqatdagi ozroq tuz, zanjabil, kashnich, rayhon, qalampirmunchoq – bularning bari hushta’mlik baxsh etadi, tezda xazm qildiradi va to’yganlik hissini baxsh etadi.
Turli hil parxezlarni sinab ko’rib organizmni qiynamang. Shunchaki o’zingizga “Men to'g'ri ovqatlanyabmanmi?” degan savolni bering.
Har bir odam o’z organizmiga e’tibor berishi va o’zini yaxshi his qilishi uchun qanday mahsulotlar keragu, qandaylari zarur emasligini ajrarib olishi kerak.
To’g’ri ovqatlansangiz, immunitetingiz ko’tarilib, organizmingiz ham baquvvat bo’ladi va siz har qanday ishni bajarish uchun o’zingizda kuch topasiz.
Сообщения из Facebook