Kimdir qulay kresloga o'tiradi, sevimli ko’rpasiga o’ralib olib "katta narsalar" haqida o'y suradi, kimdir quvonch va tasalli beradigan sevimli mashg'ulotlariga yo'l oladi. Agar siz nimaga ustunlik berishni bilmasangiz, sizga stressga qarshi tan olingan sevimli mashg'ulotlarning turlari bilan tanishishingizni maslahat beramiz.
Faol jismoniy mashg'ulotlar:Tabiat qo'ynida yugurish, velosipedda sayr, sport bilan shug'ullanish (tabiat qo’ynida) nafaqat ko'ngilni ko'taradi, balki tanani jismoniy holatda saqlaydi. Bundan tashqari, bir qator tadqiqotlar o'tkazilganidan so'ng, olimlar bunday sevimli mashg'ulotlar ijodiy fikrlashni rivojlantirishga yordam berishini isbotladilar. Raqs tanani chiniqtirishning ajoyib usuli bo'lishdan tashqari, kayfiyatni yaxshilaydi, yurak mushaklarini kuchaytiradi, nafas olish tizimi ishini yaxshilaydi, ortiqcha vazndan xalos bo'lishga yordam beradi .
Velosipedda sayr sizdagi jismoniy faollikni oshiradi va surunkali kasalliklarga chalinish xavfini kamaytiradi. Shuningdek, bu sayr toza havodan nafas olish, tabiatda bo'lish, odamning ruhiy holatini ijobiy aks ettirish imkoniyatini beradi;
Yugurish -bu stressni yengishga yordam beradigan yana bir faoliyat. Ushbu mashg'ulot tanani yaxshi jismoniy holatini saqlaydi, adrenalin (baxt gormoni) ishlab chiqarilishini qo'zg'atadi, kayfiyatni yaxshilaydi.
Kayfiyatingiz yo’qmi? Hech kimni ko’rishni istamayabsizmi? G’amgin holatdan qanday qutilishni bilmayabsizmi? Qo’l mehnati inson kayfiyatini ko’tarib, dolzarb muammolardan sizni chalg'itadi.
To’qish-Ushbu qadimiy xalq hunarmandchiligi diqqat-e'tibor va tirishqoqlikni talab qiladi. Bu asab tizimini tinch va uyg'un holatga keltiradi.
Agar kundalik muammolardan bir muncha vaqt xalos bo'lishni istasangiz, bunda tikuv mashinasi sizga yordam beradi. Mehnatning natijasi har doim kishiga quvonch va mag'rurlik tuyg'usini beradi.
To’qish va tikish sizning mashg’ulotingiz emas deya o’ylasangiz u holda daftar yoki bo’lmasa fotoalbomlar ustini bezatish bilan shug’illaning. Bezak qog’ozlari ajoyib qo’l mehnatini yaratish uchun asos bo’ladi, bu oila va do'stlar uchun ajoyib sovg'a bo'lishi mumkin.
Amaliy san’atning boshqa ko'plab turlari mavjud: makrame, origami, papier-mache va boshqalar. Nima bo'lishidan qat'iy nazar, zargarlik buyumlari, turli xil hunarmandchilik buyumlari, kiyim-kechak buyumlarini yaratish jarayoni- bularning barchasi ajoyib antidepressant vazifasini bajaradi va miyaning qarishini oldini oladi.
Siz har doim savdo ko’rgazmalarida aylanib yurganingizda qo'lda tayyorlangan chiroyli idish-tovoq yoki naqshinkor buyumlardan estetik zavq olasiz. Ijodkorlikning sabr-toqat va qo’llar bilan ishlash qobiliyatini talab qiladigan bir qancha turi mavjud. Rassomlar ishlaydigan ranglar palitrasining xilma-xilligi tana zo'riqishini yengillashtirishi, kayfiyatni yaxshilashi va ijodiy fikrlashni rivojlantirishi azaldan isbotlangan. Rasm chizishni yaxshi ko'radigan odamlar juda ehtiyotkor, diqqatli va mulohazalidirlar;
Kulolchilik insondan sabr-toqat, kuchli ishtiyoq va ilhom talab etuvchi san’at turidir. Siz ushbu omillarni zerikarli deb o'ylashingiz mumkin. Biroq, sinab ko'rganingizda, qanchalik xato qilganlarini bilib olasiz. Ishlash jarayonida , kaftlarda sezgir zonalar to'planib, ular kuchni qaytadan yig’ishga, tinchlik va xotirjamlikni tiklashga ko’mak beradi.
Floristika - Ushbu dekorativ san'at turi tabiiy materiallardan (gullar, novdalar, barglar,somon) barcha turdagi mahsulotlarni (guldasta, panellar, kollaj) yaratishni o'zichiga oladi. Aytgancha, britaniyalik olimlar eksperimental ravishda bu sevimli mashg'ulot nafaqat odamning hissiy holatini yaxshilashga, balki bir qator psixologik kasalliklardan xalos bo'lishga yordam berishini isbotladilar.
O'qish miyaga madaniy hordiq baxsh etadigan yana bir faoliyat turidir. Shunday qilib, agar siz o'qishni juda yaxshi ko'rsangiz, o'zingizga bu zavqni rad etmang. Bundan tashqari, kitoblar eng samarali tinchlantiruvchi vositalardan biri ekanligi olimlar tomonidan isbotlangan. Adabiyot bilan mutolaning dastlabki olti daqiqasidan so'ng stress darajasi 68% ga kamayadi. Boshqa narsalar qatori, o'qish yurak urishini normallashtirishga va mushaklarning zo’riqishinini yengillashishiga yordam beradi.
Bog'-rog’ yaratish. Agar xovli uyda yashasangiz va shaxsiy uchastkangizda ishlash imkoniyati mavjud bo'lsa, "yerga qazish" imkoniyatini qo'ldan boy berish gunohdir. Toza havo, jismoniy faollik, tabiat bilan aloqa tanaga ijobiy ta'sir ko'rsatadi . Bog'ingizdagi o'simliklarga g'amxo'rlik qilish orqali siz tanangizni ajoyib holatda saqlashingiz mumkin. Tajribali bog'bonlar hech qachon yomon kayfiyatdan shikoyat qilmaydilar. Bundan tashqari, ular o'zlarining mehnatlari samarasini ko'rganlarida, odamda ijobiy nuqtai nazar va ta'riflab bo'lmaydigan quvonch paydo bo'lishini ta'kidlashadi. Olimlarning ta'kidlashicha, qora tuproq tarkibida mikroorganizmlar mavjud bo'lib, ular inson tanasiga kirib, serotonin - tabiiy antidepressant ishlab chiqarishga javob beradigan miya hujayralariga ijobiy ta'sir ko'rsatadi.
Suratga olish.
Ushbu mashg'ulot juda maroqli. Fotosurat linzalari orqali odam tanish narsalarni yangicha idrok qila boshlaydi. Go'zallikni topish jarayoni- siz abadiylashtirishni xohlagan daqiqani kutish, maksimal kontsentratsiyani, katta e'tiborni va cheksiz sabr-toqatni talab qiladi. Atrof-muhitga qarash va unga bo’lgan munosabat tubdan o'zgaradi va hayotdagi barcha muammolar ahamiyatsizdek tuyila boshlaydi.
Ko'rib turganingizdek, sevimli mashg'ulotlar shunchaki ijobiy his-tuyg'ularni yetkazuvchi vosita emas. Qoida tariqasida, hatto eng oddiy, birinchi qarashda zerikarli tuyilgan mashg’ulot ham salbiy fikrlarni ongdan chiqarib yuborishi, hissiy holatni yaxshilashi va dunyoga bo'lgan nuqtai nazarimizni o'zgartirishi mumkin. Buning natijasida esa , ijobiy fikrlaydigan odam gipertenziya, alkogolizm va hatto saraton kasalligiga kamroq moyil bo'ladi. Shuning uchun, shifokor bilan uchrashishdan yoki tabletka ichishdan oldin, kamera, velosiped, to'qish ignalari yoki chizish uchun cho'tka oling. Sevimli faoliyatingizning ta'siri barcha kutgan natijalaringizdan ham ko'proq natija berishi mumkin.
Сообщения из Facebook